Prɔvabs 5:1-23
5 Mi pikin, pe atɛnshɔn to di sɛns tɔk dɛn we a de tɔk.
Tek tɛm lisin* fɔ no wetin a ɔndastand,
2 So dat yu go protɛkt di we aw yu de tinkƐn tɔk di kɔrɛkt tin we yu no ɔltɛm.
3 Wewɔd* uman in tɔk* swit lɛk ɔni,Ɛn in wɔd dɛn* smut pas ɔyl.
4 Bɔt na di ɛnd, i bita lɛk bita plant,Ɛn i shap lɛk sɔd we gɛt tu ɛj.
5 In fut de go usay day de.
Di we aw i de waka de go stret to di Grev.*
6 I nɔ de tink atɔl bɔt di rod we de gi layf.
I jɔs de pas pas, bɔt i nɔ no usay i de go.
7 So naw, mi pikin dɛn, una lisin to miƐn nɔ tɔn una bak pan wetin a de se.
8 De fa frɔm da uman de;Nɔ go nia in os,
9 So dat yu nɔ go gi yu rɛspɛkt to ɔda pipul dɛnƐn sɔfa fɔ lɔng tɛm;
10 So dat strenja dɛn nɔ go tek ɔl wetin yu gɛt*Ɛn wetin yu dɔn wok tranga wan fɔ nɔ go go to fɔrina.
11 If nɔto dat, yu go pini we yu de day,We yu flɛsh ɛn yu bɔdi de rɔtin.
12 Yu go se: “Wetin mek a bin et kɔrɛkshɔn?
Wetin mek a bin et am na mi at?
13 A nɔ bin lisin to wetin di wan dɛn we de tɛl mi wetin fɔ du de seƆ pe atɛnshɔn to mi ticha dɛn.
14 Mi ɛnd dɔn kam niaƐn i go bi usay ɔl di pipul dɛn de.”
15 Drink wata we na yu yonƐn drink frɛsh wata frɔm yu yon wɛl.
16 Wetin mek yu spriŋ dɛn* fɔ skata na do?Wetin mek yu watasay fɔ de na pɔblik ples* dɛn?
17 Lɛ dɛn de fɔ yu nɔmɔ,Ɛn nɔto fɔ yu ɛn strenja dɛn.
18 Lɛ blɛsin de pan yu wɛl,*Ɛn lɛ yu gladi wit di wɛf we yu gɛt we yu yɔŋ,
19 I tan lɛk kwayɛt dia* ɛn fayn mawntin got.
Lɛ in bɔbi satisfay yu* ɔltɛm.
Lɛ yu lɛk fɔ ɛnjɔy in lɔv ɔltɛm.
20 So mi pikin, wetin mek yu fɔ alaw wewɔd* uman fɔ tek yu atɛnshɔn?Ɔ wetin mek yu fɔ ɔg bambot* uman ɛn ol am tayt?
21 Jiova de si di tin dɛn we mɔtalman de du;I de tek tɛm wach ɔl in we dɛn.
22 Di bad tin dɛn we di wikɛd wan de du tan lɛk trap fɔ am,Ɛn in sin dɛn tan lɛk rop we de tay tay am.
23 I go day bikɔs i nɔ tek kɔrɛkshɔn,Ɛn i go go di rɔng we bikɔs i fulish pasmak.
Futnot Dɛn
^ Insay Ibru, “Opin yu yes.”
^ Insay Ibru, “Wewɔd uman in lip.”
^ Insay Ibru, “mɔt.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Ɔ “tek yu pawa.”
^ Ɔ “yu wata we bɔs na grɔn.”
^ Rid Baybul Wɔd dɛn Minin.
^ Ɔ “say usay wata de kɔmɔt.”
^ Dat na, uman dia.
^ Ɔ “bɔbi mek yu chak.”
