Zɛkaraya 10:1-12
10 “Una aks Jiova fɔ ren di tɛm we di let ren kin kam.
Na Jiova de mek di klawd dak ɛn mek tɛnda krak,Na in de mek ren kam,Ɛn na in de mek plant gro na fam dɛn fɔ ɔlman.
2 Di famili gɔd dɛn* dɔn lay;Ɛn di jujuman dɛn dɔn si vishɔn we na lay.
Dɛn de tɔk bɔt drim dɛn we nɔ gɛt wan minin,Ɛn dɛn de tray fɔ kɔrej pipul dɛn bɔt dɛn nɔ ebul.
Na dat mek dɛn de pas pas lɛk ship we dɔn lɔs.
Dɛn go sɔfa, bikɔs shɛpad nɔ de.
3 A rili vɛks pan di shɛpad dɛn,Ɛn di lida* dɛn we de sɔprɛs di pipul dɛn go ansa to mi;Bikɔs Jiova we gɛt bɔku bɔku sojaman dɛn dɔn tɔn in atɛnshɔn to in ship dɛn, to di pipul dɛn na Juda,Ɛn i dɔn mek dɛn tan lɛk in ɔs we gɛt glori we i de yuz fɔ fɛt.
4 Na frɔm am di men man* de kɔmɔt,Na frɔm am di rula we de sɔpɔt am* de kɔmɔt,Na frɔm am di bo we dɛn de yuz fɔ fɛt de kɔmɔt;Ɛn na frɔm am ɔl di ovasia* dɛn de kɔmɔt, dɛn ɔl.
5 Ɛn dɛn go tan lɛk fɛtman dɛn,Dɛn go mas mas di pɔtɔpɔtɔ na di strit dɛn we dɛn de fɛt.
Dɛn go fɛt wɔ, bikɔs Jiova de wit dɛn;Ɛn di wan dɛn we de rayd ɔs dɛn go shem.
6 A go mek di pipul dɛn na Juda pas ɔl ɔda pipul dɛn,Ɛn a go sev Josɛf in pikin dɛn.
A go briŋ dɛn kam bak, a go sɔri fɔ dɛn;Ɛn i go tan lɛk se a nɔ ɛva drɛb dɛn;Bikɔs mi, Jiova, na dɛn Gɔd, ɛn a go ansa dɛn.
7 Di pipul dɛn na Ifrem go tan lɛk pawaful fɛtman,Dɛn go gladi lɛk se dɛn drink wayn.
Dɛn pikin dɛn go si dis ɛn gladi;Dɛn go gladi bikɔs ɔf Jiova.
8 ‘A go wisul to dɛn ɛn gɛda dɛn togɛda;A go fri dɛn, ɛn dɛn go bɔkuƐn kɔntinyu fɔ bɔku.
9 Pan ɔl we a skata dɛn lɛk sid midul pipul dɛn,Dɛn go mɛmba mi na di fa fa say dɛn we dɛn de;Dɛn ɛn dɛn pikin dɛn go gɛt trɛnk bak ɛn dɛn go tɔn bak.
10 A go pul dɛn kɔmɔt na IjiptƐn a go pul dɛn kɔmɔt na Asiria;A go briŋ dɛn kam na Giliad ɛn Libanɔn,Ɛn di ples nɔ go du fɔ dɛn.
11 A go pas na di si ɛn mek lɛ i rɔf;A go mek di swɛlin na di si stɛdi;A go mek ɔl di wata na di Nayl dray.
A go disgres Asiria we prawd,Ɛn di staf nɔ go de na Ijipt igen.
12 Mi, Jiova, go mek dɛn pas ɔl ɔda pipul dɛn,Ɛn dɛn go du tin dɛn we go ɔnɔ mi nem.’ Na dat Jiova se.”
Futnot Dɛn
^ Insay Ibru, “tɛrafim aydɔl dɛn.”
^ Insay Ibru, “di man got.”
^ Insay Ibru, “di tawa we de na di kɔna.” I min man we impɔtant; chif.
^ Insay Ibru, “we na pɛg.”
^ Ɔ “supavaysɔ.”
