Job 12:1-25
12 Na de Job tɔk se:
2 “Fɔ tru na una na di pipul dɛn we no,Ɛn we una day, sɛns de day go wit una!
3 Bɔt misɛf gɛt ɔndastandin.
Una nɔ bɛtɛ pas mi.
Udat nɔ no dɛn tin dɛn ya?
4 Mi kɔmpin dɛn de laf mi,Mi we de kɔl to Gɔd fɔ lɛ i ansa mi.
Mi we de du wetin rayt ɛn nɔ gɛt wan bɔt, na mi dɛn de laf.
5 Pɔsin we kiafri et prɔblɛm,I tink se na di wan dɛn nɔmɔ we nɔ strɔng de gɛt prɔblɛm.
6 Tifman dɛn tɛnt gɛt pis,Ɛn di wan dɛn we de provok Gɔd sef,Jɔs lɛk di wan dɛn we ol dɛn gɔd na dɛn an.
7 Bɔt duya, aks di animal dɛn, ɛn dɛn go tich yu;Dɔn bak, aks di bɔd dɛn we de flay na di skay, ɛn dɛn go tɛl yu.
8 Ɔ tek tɛm tink bɔt di tin dɛn na di wɔl, ɛn dɛn go tich yu;Di fish dɛn na di si go tɛl yu.
9 Uswan pan dɛn tin dɛn ya nɔ no seNa Jiova dɔn du dis?
10 Ɔltin we gɛt layf de na in anƐn ɔl mɔtalman in bloblo de na in an.
11 Yu nɔ tink se di yes de tɛst wɔdJɔs lɛk aw di tɔŋ de tes it?
12 Nɔto di wan dɛn we dɔn ol gɛt sɛns?Nɔto di wan dɛn we dɔn liv lɔng gɛt ɔndastandin?
13 I gɛt sɛns ɛn pawa;I de gi advays ɛn i gɛt ɔndastandin.
14 We i pwɛl sɔntin, nɔbɔdi nɔ go ebul mek am bak;Ɛnitin we i lɔk, no mɔtalman nɔ ebul opin am.
15 We i stɔp di ren fɔ kam, ɔltin de dray;We i mek ren kam, di wɔl de ful-ɔp wit wata.
16 I gɛt trɛnk ɛn de du tin wit sɛns;Na in gɛt di wan we de kɔmit sin ɛn di wan we de mek ɔda pipul dɛn kɔmit sin.
17 I de mek advaysa dɛn waka biafut,Ɛn i de mek jɔj dɛn tɔn fulman.
18 I de lus di chen dɛn we kiŋ dɛn de put pan pipul dɛnƐn tay bɛlt rawnd dɛn wes.
19 I de mek prist dɛn de waka biafut,Ɛn i de ovatro di wan dɛn we tinap tranga wan we dɛn de rul;
20 I de mek advaysa dɛn we pipul dɛn trɔst nɔ ebul tɔk igen,Ɛn i de mek ol pipul* dɛn nɔ gɛt sɛns igen.
21 I rili et impɔtant pipul dɛn,Ɛn i de mek di wan dɛn we pawaful wik.*
22 I de sho dip tin dɛn we de apin na dak,Ɛn i de mek layt shayn na say dɛn we rili dak.
23 I de mek neshɔn dɛn pawaful, so dat i go dɔnawe wit dɛn;I de mek neshɔn dɛn pawaful, so dat i go mek dɛn kapchɔ dɛn ɛn go wit dɛn ɔdasay.
24 I de mek di wan dɛn we de lid di pipul dɛn nɔ gɛt ɔndastandin* igen,Ɛn i de mek dɛn waka waka na ɛmti land.
25 Dɛn de luk luk na daknɛs usay layt nɔ de;I de mek dɛn waka waka lɛk man dɛn we dɔn chak.
Futnot Dɛn
^ Ɔ “bigman.”
^ Insay Ibru, “i de lus di wan dɛn we pawaful dɛn bɛlt.”
^ Insay Ibru, “at.”
