Job 21:1-34
21 Na de Job tɔk se:
2 “Una tek tɛm lisin to wetin a de se;Lɛ dat bi di kɔrej we una de kɔrej mi.
3 Una bia mi we a de tɔk,Afta a tɔk dɔn, una kin provok mi.
4 Na to mɔtalman a le kɔmplen?
If na so i bi, a go stil kɔntinyu fɔ peshɛnt?
5 Una luk mi ɛn una go sɔprayz;Una kɔba una mɔt wit una an.
6 We a tink bɔt am, i de mek a wɔri,Ɛn mi wan ol bɔdi de trimbul.
7 Wetin mek di wikɛd wan dɛn de kɔntinyu fɔ liv,Dɛn de ol, ɛn jɛntri?*
8 Dɛn pikin dɛn de wit dɛn ɔltɛm,Ɛn dɛn de si dɛn gret granpikin dɛn.
9 Dɛn os dɛn sef, dɛn nɔ gɛt natin fɔ fred,Ɛn Gɔd nɔ de pɔnish dɛn.
10 Dɛn man kaw dɛn de gi bɛlɛ ɔltɛm;Dɛn uman kaw dɛn de bɔn ɛn dɛn bɛlɛ nɔ de pwɛl.
11 Dɛn bɔypikin dɛn de rɔn na do lɛk ship dɛn,Ɛn dɛn pikin dɛn de jomp jomp.
12 Dɛn de siŋ wit tamborin ɛn ap,Ɛn dɛn kin gladi we dɛn yɛri flut* in sawnd.
13 Dɛn satisfay wit dɛn layfƐn dɛn de go na di Grev* wit kolat.*
14 Bɔt dɛn de tɛl di tru Gɔd se, ‘Lɛf wi!
Wi nɔ want fɔ no wetin yu de du.
15 Udat na di Ɔlmayti, we fɔ mek wi wɔship am?
Us bɛnifit wi go gɛt we wi sabi am?’
16 Bɔt a no se dɛn nɔ de kɔntrol di we aw tin de bɛtɛ fɔ dɛn.
Di we aw a de tink* difrɛn fawe frɔm di we aw wikɛd pipul dɛn de tink.
17 Ɔmɔs tɛm di wikɛd wan dɛn lamp de ɔt?
Ɔmɔs tɛm trɔbul de kam pan dɛn?
Ɔmɔs tɛm Gɔd de dɔnawe wit dɛn we i vɛks?
18 Dɛn ɛva tan lɛk gras we briz de bloƆ lɛk chafchaf we big briz de kɛr go?
19 Gɔd go kip pɔsin in pɔnishmɛnt fɔ in bɔypikin dɛn.
Bɔt lɛ Gɔd pe am bak so dat i go no wetin i du.
20 Lɛ in yon yay si we dɛn de dɔnawe wit am,Ɛn lɛ i fil* di Ɔlmayti in vɛksteshɔn.
21 Una tink se i bisin bɔt wetin go apin to in familiIf i day bifo in tɛm?
22 Ɛnibɔdi go ebul fɔ tich Gɔd ɛnitin,We i bi se na in de jɔj ivin di big wan dɛn?
23 Wan pɔsin day we i stil strɔngDi tɛm we i nɔ bisin bɔt natin ɛn i gɛt kolat,
24 Di tɛm we in lɛg dɛn bɔmpƐn in bon dɛn strɔng.
25 Bɔt ɔda pɔsin day we in at rili pwɛl,I nɔ ɛva tes gud tin dɛn.
26 Dɛn ɔl tu go ledɔm togɛda na dɔti,Ɛn tumbu dɛn go kɔba dɛn ɔl tu.
27 Luk! A sabi ɔl wetin una de tinkƐn di plan dɛn we una dɔn mek fɔ du mi bad.
28 Una de aks se, ‘We di os we di man we ɔlman sabi de,Ɛn we di tɛnt usay di wikɛd wan dɛn de?’
29 Una nɔ dɔn aks di wan dɛn we de travul?
Una nɔ biliv wetin dɛn se
30 Fɔ se bad pɔsin kin sev di tɛm we trɔbul de,Ɛn i kin sev di de we prɔblɛm de?
31 Udat go go mit am fɔ tɛl am wetin i bin dɔn du,Ɛn udat go pe am fɔ wetin i dɔn du?
32 We dɛn kɛr am go na bɛringrɔn,Dɛn go gɛt wekin na in grev.
33 Di dɔti na di vali go swit to am,Ɛn ɔlman gɛt fɔ fala am*Lɛk di bɔku bɔku pipul dɛn we dɔn go bifo am.
34 So wetin mek una de kɔrej mi wit ɛmti wɔd dɛn?
Na soso lay lay tin dɛn una de tɔk!”
Futnot Dɛn
^ Ɔ “pawaful.”
^ Ɔ “payp.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Ɔ “saful wan ɛn nɔ gɛt pen.”
^ Ɔ “Mi advays; Mi plan.”
^ Insay Ibru, “drink.”
^ Insay Ibru, “Ɛn i go drɛg ɔlman fɔ fala am.”
