Job 31:1-40
31 “A dɔn mek agrimɛnt wit mi yay.
So aw a go wach vajin di kayn we we nɔ fayn?
2 If a du sɔntin lɛk dat, wetin Gɔd we de na ɛvin go gi mi?Us prɔpati di Ɔlmayti we de ɔp go gi mi?
3 Fɔ se prɔblɛm nɔ de wet fɔ di wan we de du badƐn trɔbul fɔ di wan we de du wikɛd tin?
4 Fɔ se Gɔd nɔ de si di tin dɛn we a de duƐn pe atɛnshɔn to ɔl wetin a de du?
5 A dɔn ɛva lay?
A dɔn ɛva ful pɔsin?
6 Lɛ Gɔd yuz kɔrɛkt skel dɛn fɔ we mi;Da tɛm de, i go si se a de waka tret na in yay.
7 If a dɔn lɛf fɔ waka na di rod,Ɔ mi at fala wetin mi yay de si,Ɔ mi an dɛn dɔn dɔti,
8 If na so i bi, lɛ a plant ɛn lɛ ɔda pɔsin it am,Ɛn lɛ dɛn rut wetin a dɔn plant.
9 If mi at bin dɔn lɛk ɔda uman,Ɛn a bin dɔn go wet na mi neba in domɔt,
10 Da tɛm de, lɛ mi wɛf gren wit* fɔ ɔda man,Ɛn lɛ ɔda man dɛn ledɔm wit am.
11 Dat na shemful tin fɔ du,Ɛn na sin we di jɔj dɛn fɔ pɔnish pɔsin fɔ.
12 I go tan lɛk faya we de bɔn ɛn dɔnawe wit ɔltin,Ɛn i go bɔn ɔl wetin a gɛt.
13 If a nɔ bin du tin fia wan to mi man savant dɛn ɔ mi uman savant dɛnWe dɛn gɛt kes agens mi,
14 Wetin a go du we Gɔd kɔl mi fɔ jɔj mi?Wetin a go se we i aks mi bɔt wetin a du?
15 Nɔto di Wan we mek mi na mi mama in bɛlɛ mek dɛnsɛf?
Nɔto di sem Pɔsin mek wi bifo dɛn bɔn wi?
16 If a nɔ gri fɔ gi di po wan dɛn wetin dɛn wantƆ mek di uman we in man dɔn day in at pwɛl;
17 If a bin de it mi wangrenƐn nɔ gi pikin dɛn we nɔ gɛt mama ɛn papa;
18 (Frɔm we a yɔŋ, pikin dɛn we nɔ gɛt mama ɛn papa bin de wit mi lɛk se mi na bin dɛn papa,Ɛn a bin de ɛp uman dɛn we dɛn man dɛn dɔn day frɔm we a smɔl.*)
19 If a bin si ɛnibɔdi we de day bikɔs i nɔ gɛt klosƆ wan poman we nɔ gɛt natin fɔ kɔba insɛf;
20 If a nɔ bin gi am mi wul so dat i nɔ go fil kol,Ɛn i blɛs mi fɔ dat;
21 If a dɔn trɛtin pikin we in mama ɛn papa dɔn dayNa di siti get we i nid mi ɛp;
22 If na so i bi, lɛ mi an kɔt kɔmɔt na mi sholda,Ɛn lɛ mi an brok na mi ɛlbo.
23 A de fred trɔbul we de kɔmɔt frɔm Gɔd,
Ɛn a nɔ ebul tinap bifo am bikɔs ɔf in glori.
24 If a put mi kɔnfidɛns pan goldƆ a tɛl fayn gold se, ‘Na yu de protɛkt mi!’
25 If na jɛntri de mek a gladiƆ if na di bɔku prɔpati dɛn we a dɔn gɛt de mek a gladi;
26 If a bin si di san de shaynƐn di mun we pawaful de muv na di skay;
27 Ɛn a lɛk dɛn na mi at sikrit wan,Ɛn a kis mi an fɔ wɔship dɛn;
28 Da tɛm de, i go bi sin we di jɔj dɛn fɔ pɔnish mi fɔ,Bikɔs a dɔn dinay di tru Gɔd we de ɔp.
29 A dɔn ɛva gladi bikɔs dɛn dɔnawe wit mi ɛnimiƆ laf am bikɔs bad mit am?
30 A nɔ ɛva alaw mi mɔt fɔ sinBay we a swɛ mi ɛnimi fɔ lɛ i day.
31 Fɔ se di man dɛn na mi tɛnt nɔ dɔn aks se,‘Udat de we nɔ satisfay wit di it we Job de gi?’
32 No strenja nɔ bin nid fɔ slip na do;A bin de opin mi domɔt to di wan we de travul.
33 A dɔn ɛva tray fɔ kɔba mi sin dɛn, lɛk ɔda mɔtalman dɛn,Bay we a de ayd mi mistek na mi pɔkit?
34 A dɔn ɛva fred bikɔs ɔf wetin bɔku pipul dɛn se,Ɔ a dɔn ɛva panik se ɔda famili dɛn go mek a shem,We mek a sɛt mɔt ɛn fred fɔ go na do?
35 If nɔmɔ pɔsin go lisin to mi!
Da tɛm de, a go sayn fɔ wetin a tɔk.
Lɛ di Ɔlmayti ansa mi!
If nɔmɔ di pɔsin we de agens mi bin rayt wetin i se a du na dɔkyumɛnt!
36 A go put am na mi sholda,Ɛn a go put am rawnd mi ed lɛk krawn.
37 A go ansa fɔ ɔl wetin a dɔn du;A go go mit am wit kɔnfidɛns, jɔs lɛk prins.
38 If mi yon fam kray to miƐn if di spes dɛn midul di ip dɛn ɔl kray togɛda;
39 If a dɔn it di frut we i de bia we a nɔ pe fɔ am,Ɔ if a dɔn mek ɔda pipul dɛn de pini bikɔs a dɔn tek dɛn fam;
40 Da tɛm de, if a plant wit,* lɛ chukchuk gro deƐn if a plant bali, lɛ gras we de smɛl gro de.”
Na ya Job in tɔk dɔn.
Futnot Dɛn
^ Wit na tin we pipul dɛn de it.
^ Insay Ibru, “frɔm we a de na mi mama in bɛlɛ.”
^ Wit na tin we pipul dɛn de it.
