Job 35:1-16
35 Ilayu kɔntinyu fɔ tɔk se:
2 “Yu rili biliv se yu kɔrɛkt we yu tɔk se,‘A de du wetin rayt pas Gɔd’?
3 Yu dɔn tɔk se, ‘Wetin dat gɛt fɔ du wit yu?*
Us bɛnifit a dɔn gɛt bikɔs a nɔ sin?’
4 A go ansa yuƐn yu padi dɛn we de wit yu.
5 Luk ɔp na ɛvin ɛn si,Tek tɛm wach di klawd dɛn we de rayt ɔp.
6 If yu sin, aw dat go mek i fil bad?
If yu mistek dɛn bɔku, wetin dat go du to am?
7 If yu de du wetin rayt, wetin yu go gi am?Wetin i de gɛt frɔm yu?
8 Na mɔtalman dɛn nɔmɔ we tan lɛk yu di wikɛd tin dɛn we yu de du de ambɔg.Ɛn we yu de du wetin rayt, na mɔtalman dɛn nɔmɔ we tan lɛk yu dat go afɛkt.
9 Pipul dɛn kin kray we dɛn de rili sɔprɛs dɛn;Dɛn kin kray fɔ kɔmɔt ɔnda di pawaful wan dɛn we de sɔprɛs dɛn.
10 Bɔt nɔn pan dɛn nɔ de aks se, ‘We Gɔd, di Wan We Mek mi,Di wan we mek wi de siŋ, siŋ dɛn na nɛt?’
11 I de tich wi pas di animal dɛn we de na di wɔl,Ɛn i de mek wi gɛt sɛns pas di bɔd dɛn we de flay na di skay.
12 Pipul dɛn de kray, bɔt i nɔ de ansa dɛn,Bikɔs i de si aw di wikɛd wan dɛn prawd.
13 Fɔ tru, Gɔd nɔ de lisin to ɛmti kray;*
Di Ɔlmayti nɔ de pe atɛnshɔn to am.
14 Wetin wi go se naw we yu de kɔmplen se yu nɔ de si am!
Yu kes de bifo am, so yu fɔ peshɛnt wet fɔ am.
15 I nɔ vɛks ɛn aks yu fɔ wetin yu du,Ɛn i nɔ pe atɛnshɔn to yu kialɛs tɔk dɛn.
16 Job opin in mɔt big wan fɔ natin;I de tɔk bɔku we i nɔ no natin.”
