Job 40:1-24
40 Jiova kɔntinyu fɔ tɛI Job se:
2 “Yu tink se pɔsin we de fɛn fɔlt fɔ agyu wit di Ɔlmayti?
Lɛ di wan we want fɔ kɔrɛkt Gɔd ansa.”
3 Job ansa Jiova se:
4 “Luk! A nɔ gɛt rayt.
Wetin a go se fɔ ansa yu?
A kɔba mi mɔt wit mi an.
5 A dɔn tɔk wan tɛm, ɛn ivin tu tɛm, bɔt a nɔ go ansa igen;A nɔ go tɔk natin igen.”
6 Dɔn Jiova yuz big big briz fɔ tɛl Job se:
7 “Duya, rɛdi yusɛf lɛk man.A go aks yu kwɛstyɔn dɛn, ɛn yu go ansa mi.
8 Yu go tɔk se a nɔ de du tin fia wan?
Yu go kɔndɛm mi so dat na yu go gɛt di rayt?
9 Yu gɛt an we pawaful lɛk di tru Gɔd in yon?Ɔ yu vɔys tan lɛk in vɔys we lawd lɛk tɛnda?
10 Duya, sho yu glori ɛn sho aw yu pawaful;Sho yu ɔnɔ ɛn aw yu gret.
11 Pul ɔl yu wamat;Luk ɔl di wan dɛn we prawd, ɛn briŋ dɛn dɔŋ.
12 Luk ɔl di wan dɛn we prawd, ɛn mek dɛn ɔmbul,Ɛn mas mas di wikɛd wan dɛn usay dɛn tinap.
13 Ayd dɛn ɔl insay dɔst;Tay dɛn* na di say usay pɔsin nɔ go si dɛn,
14 Da tɛm de, ivin misɛf go gri wit yu seYu raytan go sev yu.
15 Luk Bɛimɔt,* we a mek jɔs lɛk aw a mek yu.
I de it gras lɛk man kaw.
16 Luk aw in lɛg dɛn strɔngƐn luk di pawa we di mɔsul dɛn na in bɛlɛ gɛt!
17 I de stif in tel lɛk sida tik;Di tin dɛn we kɔnɛkt in bon to in mɔsul dɛn na in lɛg wiv togɛda.
18 A mek in bon dɛn wit kɔpa;Ɛn in lɛg dɛn wit ayɛn.
19 Na in kam fɔs pan ɔl Gɔd in wok dɛn;Na di Wan we mek am nɔmɔ kin go mit am wit in sɔd.
20 Na di mawntin dɛn in it de gro,Usay ɔl di wayl animal dɛn de ple.
21 I kin ledɔm ɔnda di lutɔs* tik dɛn,I de ayd na di gras dɛn na swamp.
22 Di lutɔs tik dɛn de mek shado fɔ am,Ɛn di pɔpla tik dɛn na di vali de rawnd am.
23 Di riva rɔf, bɔt i nɔ de panik.I gɛt kɔnfidɛns, pan ɔl we di Jɔdan de rɔsh pan am.
24 Ɛnibɔdi go ebul kech am we i de wach,Ɔ bɔs in nos wit uk?*
Futnot Dɛn
^ Insay Ibru, “dɛn fes dɛn.”
^ I kin min ipɔpɔtemɔs.
^ Lutɔs na tik we gɛt chukchuk.
^ Insay Ibru, “trap.”
