Job 41:1-34
-
Gɔd tɔk bɔt aw Levayatan rili pawaful (1-34)
41 “Yu ebul kech Levayatan* wit fish-ukƆ ol in tɔŋ wit rop?
2 Yu ebul put rop na in nosƆ bɔs in jɔ wit uk?*
3 I go beg yu pasmak,Ɔ tɔk saful wan to yu?
4 I go mek agrimɛnt wit yu,So dat yu go mek i bi yu slev sote go?
5 Yu go ple wit am lɛk we yu go ple wit bɔdƆ tay am pan rop fɔ yu smɔl galpikin dɛn?
6 Fɔ se treda dɛn go sɛl am?
Dɛn go sheb sheb am to di biznɛsman dɛn?
7 Yu ebul bɔs bɔs in kanda wit shap tin we fiba ukƆ in ed wit spia we dɛn de yuz fɔ fishin?
8 Put yu an pan am;Yu go mɛmba di fɛt, ɛn yu nɔ go ɛva du am igen!
9 Ilɛk pɔsin tray fɔ kɔntrol am, i nɔ go ebul.
Pɔsin go fred bad bad wan we i si am.
10 Nɔbɔdi nɔ gɛt maynd fɔ go fɛn in plaba.
So udat go ebul chalenj mi?
11 Udat de we na in fɔs dɔn gi mi sɔntin we a fɔ pe am bak?
Na mi gɛt ɔl wetin de na di wɔl.
12 A go tɔk bɔt in lɛg dɛn,Aw i pawaful ɛn di wɔndaful we aw in bɔdi de.
13 Udat dɔn pul in kanda?
Udat go ɛnta in jɔ we i opin am?
14 Udat gɛt maynd fɔ opin in mɔt?*
Ɔl in tit dɛn rili fiaful.
15 In bak gɛt skel dɛn we de bay layn,Ɛn dɛn jɔyn togɛda tayt tayt wan.
16 Dɛn ɔl de nia dɛnsɛfƐn dat de mek briz nɔ de kam bitwin dɛn.
17 Dɛn fasin pan dɛnsɛf;Dɛn de togɛda ɛn pɔsin nɔ ebul sɛpret dɛn.
18 Layt de kɔmɔt na in nos we i sniz,Ɛn in yay dɛn tan lɛk we di ples de brayt na mɔnin.
19 Laytin de flash na in mɔt;Ɛn na so spak dɛn de kɔmɔt.
20 Smok de kɔmɔt na in nos,Lɛk big faya we de kech bikɔs dɛn put rop dɛn de.
21 Di briz we i de blo de mek chakol kech faya,Ɛn faya de kɔmɔt na in mɔt.
22 I rili gɛt trɛnk na in nɛk,Ɛn ɛnibɔdi we mit-ɔp am go fred.
23 Di skin na in bɛlɛ rili strɔng;Dɛn strɔng lɛk ayɛn we pɔsin nɔ go ebul fɔ muv.
24 In at strɔng lɛk ston,Fɔ tru, i strɔng lɛk grenin ston.
25 We i grap, ivin pawaful pipul dɛn de fred;We i de muv rɔf wan insay di wata, i de mek pɔsin fred.
26 Sɔd nɔ ebul du am natin;Ivin spia, aro, ɔ ɛni ɔda wɛpɔn nɔ ebul du am natin.
27 I de si ayɛn lɛk smɔl tik,Ɛn i de si kɔpa lɛk wud we dɔn rɔtin.
28 Aro nɔ de mek i rɔnawe;Slingston tan lɛk gras we dɛn sɛn am pan am.
29 I de si big tik lɛk gras,Ɛn i de laf di sawnd we javlin de pul.
30 In bɛlɛ tan lɛk shap pat pan kɔntri pɔt we dɔn brok;I de prɛd insɛf insay pɔtɔpɔtɔ lɛk bod we dɛn de yuz fɔ pul sid pan plant.
31 I de mek di si bwɛl lɛk wata insay pɔt;Di si de miks-ɔp lɛk ɔyl we de bwɛl insay pɔt.
32 I de mek di wata frɔsh as i de swim.Pɔsin go tink se di si gɛt wet ia.
33 Natin nɔ de na di wɔl we tan lɛk am,Gɔd mek am fɔ lɛ i nɔ fred natin.
34 I de luk ɛni animal we prawd, ɛn i nɔ de fred.
Na kiŋ oba ɔl di pawaful wayl animal dɛn.”
