Job 5:1-27
5 “Duya, kɔl! Ɛnibɔdi de we go ansa yu?
Uswan pan di oli wan dɛn yu go tɔn to?
2 Grɔj de kil pɔsin we fulishƐn milɛ de mek fulman day.
3 A dɔn si pɔsin we fulish de go bifo,Bɔt wantɛm wantɛm dɛn swɛ in os.
4 In pikin dɛn nɔ sef,Dɛn de sɔprɛs dɛn na di siti get, nɔbɔdi nɔ de fɔ sev dɛn.
5 Di wan we angri de it wetin i avɛst;I de tek am usay chukchuk dɛn de.In ɛn in pikin dɛn prɔpati dɛn de pan denja.
6 Bad tin nɔ de gro frɔm dɔti,Ɛn trɔbul nɔ de kɔmɔt na grɔn.
7 Jɔs lɛk aw spak de go ɔp,Na so mɔtalman nɔ ebul rɔnawe pan trɔbul frɔm we dɛn bɔn am.
8 A go beg Gɔd,Ɛn a go go wit mi kes to Gɔd,
9 To di Wan we de du big big tin dɛn, tin dɛn we i nɔ pɔsibul fɔ faynd awt,Ɛn wɔndaful tin dɛn we pɔsin nɔ ebul fɔ kɔnt.
10 I de mek ren kam na di wɔl,Ɛn i de sɛn wata na di land.
11 I de es di wan dɛn we pipul dɛn nɔ tek mek natin,Ɛn i de es di wan we in at pwɛl bay we i de sev am.
12 I de mek kɔni kɔni pipul dɛn plan nɔ de wok,So dat di tin dɛn we dɛn de du nɔ de go bifo.
13 I de kech di sɛnsman dɛn pan dɛn yon kɔni,So dat dɛn plan dɛn nɔ go wok.
14 Di ples de dak fɔ dɛn santɛm,Dɛn de luk luk fɔ tin dɛn santɛm lɛk se na nɛt.
15 I de sev pipul dɛn frɔm dɛn mɔt we tan lɛk sɔd,I de sev di po wan dɛn na di strɔng wan dɛn an,
16 So dat di wan dɛn we pipul dɛn nɔ tek mek natin go gɛt op,Bɔt di wan dɛn we nɔ de du wetin rayt nɔ go gɛt natin fɔ tɔk.
17 Luk! Di pɔsin we Gɔd de kɔrɛkt gladi;So nɔ tɔn yu bak pan di Ɔlmayti in tichin!
18 Bikɔs i de mek pɔsin fil pen, bɔt i de bandej di wund;I de wund pɔsin, bɔt i de yuz in yon an fɔ mɛn am.
19 I go sev yu frɔm siks prɔblɛm dɛnƐn ivin di wan we mek sɛvin nɔ go du bad to yu.
20 I go mek i nɔ day di tɛm we bad bad angri de,Ɛn i go mek dɛn nɔ kil am di tɛm we wɔ de.
21 I go mek dɛn nɔ bit yu wit dɛn mɔt,Ɛn yu nɔ go fred we bad tin apin.
22 We angri ɛn prɔblɛm kam, yu go laf,Ɛn yu nɔ go fred di wayl animal dɛn na di wɔl.
23 Bikɔs di ston dɛn na di land nɔ go du bad to yu,*Ɛn di wayl animal dɛn na di land nɔ go atak yu.
24 Yu go no se yu tɛnt sef,*Ɛn we yu go usay yu animal dɛn de it gras, yu go si se nɔn nɔ lɔs.
25 Yu go gɛt bɔku pikin dɛn,Ɛn di wan dɛn we go kɔmɔt na yu famili go bɔku lɛk di plant dɛn na di wɔl.
26 Yu go go na di grev we yu stil strɔng,Lɛk wit* we tinap strɔng we dɛn avɛst am na in sizin.
27 Luk! Wi dɔn faynd awt bɔt dis, ɛn na so i bi.
Lisin ɛn gri wit am.”
Futnot Dɛn
^ Ɔ “di land go mek agrimɛnt wit yu.”
^ Insay Ibru, “gɛt pis.”
^ Wit na tin we pipul dɛn de it.
