Job 7:1-21
7 “Fɔ se mɔtalman fɔ wok tranga wan ɔl di tɛm we i de alayv,Ɛn fɔ se in layf tan lɛk wokman we dɛn aya?
2 Lɛk slev, i rili want fɔ de ɔnda shed,Ɛn lɛk wokman we dɛn aya, i de wet fɔ in pe.
3 Na so a dɔn wok fɔ lɔng tɛm fɔ natinƐn a dɔn sɔfa bɔku tɛm na nɛt.
4 We a kin ledɔm a kin aks se, ‘Ustɛm a go grap?’
Bɔt as di nɛt de kɔntinyu fɔ lɔng, na so a de tɔn tɔn te doklin.
5 Mi flɛsh kɔba wit tumbu dɛn ɛn dɔti;Ɔlsay na mi skin kin mek lɛk i de dray, bɔt tɔf de kɔmɔt de.
6 Mi layf de go kwik pas aw pɔsin we de wiv klos de pas trɛd kwik kwik wan,Mi layf de dɔn, ɛn a nɔ gɛt op.
7 Mɛmba se mi layf tan lɛk briz,Ɛn a nɔ go ɛva gladi igen.*
8 Di pɔsin we de si mi naw nɔ go si mi igen;Yu go luk fɔ mi, bɔt a go dɔn go.
9 Lɛk klawd we de pas ɛn we de lɔs,Na so di wan we de go dɔŋ di Grev* nɔ de kam ɔp bak.
10 I nɔ go go bak na in os,Ɛn dɛn nɔ go si am na in ples igen.
11 Na dat mek a nɔ go sɛt mi mɔt.
A go tɔk bikɔs ɔf di pen we a de fil;A go kɔmplen bikɔs ɔf di tin dɛn we de mɔna mi!
12 Fɔ se mi na si ɔ pawaful animal na si,We fɔ mek yu sɛt gaydman fɔ mi?
13 We a se, ‘Di say we a de ledɔm go kɔrej mi;Mi bed go ɛp fɔ ridyus di sɔfa we a de sɔfa,’
14 Na da tɛm de yu de mek a drim bad drim dɛn,Ɛn yu de yuz vishɔn dɛn fɔ mek a fred.
15 So i go bɛtɛ fɔ mek pɔsin sɔfɔket mi,Lɛ a day pas fɔ liv dis kayn we.
16 A et mi layf; a nɔ want kɔntinyu fɔ liv.
Lɛf mi, bikɔs mi layf tan lɛk briz.
17 Udat na mɔtalman we yu fɔ bisin bɔt amƐn pe atɛnshɔn* pan am?
18 Wetin mek yu fɔ chɛk wetin i de du ɛvri mɔninƐn tɛst am ɔltɛm?
19 Yu nɔ go lɛf fɔ wach miƐn lɛf mi so dat a go gɛt tɛm fɔ swɛla mi pit?
20 If a dɔn sin, aw a go du bad to yu, Yu We De Wach mɔtalman?
Wetin mek yu dɔn mek mi yu tagɛt?
A dɔn tan lɛk ɛvi lod to yu?
21 Wetin mek yu nɔ de fɔgiv mi sinƐn ovaluk mi mistek?
Bikɔs i nɔ go te igen a go go na dɔti,
Ɛn yu go luk fɔ mi, bɔt a go dɔn go.”
Futnot Dɛn
^ Insay Ibru, “ɛva si gud.”
^ Ɔ “Shiol.” Dis tinap fɔ di ples usay dayman dɛn de. Dis nɔto tru tru ples. Rid Baybul Wɔd dɛn Minin.
^ Insay Ibru, “put yu at.”
