Job 8:1-22
8 Dɔn Bildad di Shuayt tɔk se:
2 “Aw lɔng yu go kɔntinyu fɔ tɔk lɛk dis?
Di wɔd dɛn we de kɔmɔt na yu mɔt tan lɛk big big briz!
3 Fɔ se Gɔd nɔ de du tin fia wan,Ɔ fɔ se di Ɔlmayti nɔ de du wetin rayt?
4 If yu pikin dɛn sin agens am,I go pɔnish dɛn fɔ di bad tin we dɛn du.
5 Bɔt if yu jɔs luk to GɔdƐn beg di Ɔlmayti fɔ sɔri fɔ yu,
6 Ɛn if yu bin rili klin ɛn de du wetin rayt,I go pe atɛnshɔn to yu,Ɛn i go mek yu de bak lɛk aw yu bin de.
7 Pan ɔl we yu nɔ gɛt bɛtɛ rayt naw,Tumara bambay yu go gɛt bɔku tin dɛn.
8 Aks di jɛnɛreshɔn we dɔn pas,Ɛn pe atɛnshɔn to wetin dɛn papa dɛn faynd awt.
9 Bikɔs na jɔs yɛstade dɛn bɔn wi, ɛn wi nɔ no natin,Wi layf na di wɔl tan lɛk shado.
10 Yu nɔ tink se dɛn go tich yuƐn tɛl yu wetin dɛn no?*
11 Fɔ se papayrɔs plant go gro usay swamp nɔ de?
Fɔ se gras go gro usay wata nɔ de?
12 We i jɔs pul flawa, we dɛn nɔ pik am yetI go dray bifo ɔda plant dɛn.
13 Na dat go apin to ɔl di wan dɛn we dɔn fɔgɛt Gɔd,Di wan we dɔn kɔmɔt biɛn Gɔd nɔ go gɛt op igen,
14 Di wan we de abop pan tin we nɔ de lasƐn we de put in trɔst pan sɔntin we nɔ strɔng lɛk spayda wɛb.*
15 I go ling pan in os, bɔt di os go pwɛl;I go tray fɔ ol am bɔt i nɔ go las.
16 I tan lɛk plant we dɛn wata ɔnda san,Ɛn in rut dɛn de prɛd na di gadin.
17 Na midul ston dɛn in rut dɛn rap rapI de luk fɔ say fɔ de midul ston dɛn.
18 Bɔt we dɛn rut am kɔmɔt na di say usay i de,Di say usay i bin de go dinay am se, ‘A nɔ wande si yu.’
19 Na so i go lɔs;Dɔn ɔda wan dɛn go gro na di dɔti.
20 Fɔ tru, Gɔd nɔ go lɛf di wan dɛn we de kɔntinyu fɔ waka tret wit am,*Ɛn i nɔ go sɔpɔt wikɛd pipul dɛn.
21 I go mek yu lafƐn ala wit gladi-at bak.
22 Di wan dɛn we et yu go shem,Ɛn di wikɛd wan dɛn tɛnt nɔ go de igen.”
Futnot Dɛn
^ Insay Ibru, “Ɛn briŋ wɔd dɛn frɔm dɛn at?”
^ Insay Ibru, “os.”
^ Ɔ “we nɔ gɛt wan blem.”
