Sam 13:1-6
To di wan we de dayrɛkt. Devid in siŋ.
13 E Jiova, aw lɔng yu go fɔgɛt mi? Sote go?
Aw lɔng yu go ayd yu fes pan mi?
2 Aw lɔng a go de gɛt tin dɛn we de mek a wɔri?We de mek mi at pwɛl ɛvride?
Aw lɔng mi ɛnimi dɛn go de win mi?
3 E Jiova mi Gɔd, duya wach mi, ɛn ansa mi.
Mek lɛ mi yay si layt, so dat a nɔ go day,
4 So dat mi ɛnimi nɔ go se: “A dɔn win am!”
Nɔ alaw di wan dɛn we de agens mi fɔ gladi
Bikɔs ɔf di bad tin dɛn we de apin to mi.
5 Bɔt fɔ mi, a go abop pan yu lɔv we nɔ de chenj;A go gladi fɔ wetin yu dɔn du fɔ sev mi.
6 A go siŋ to Jiova bikɔs i dɔn rili blɛs mi.
