Sam 63:1-11
Wan siŋ we Devid siŋ we i bin de na di wildanɛs* na Juda.
63 E Gɔd, yu na mi Gɔd, a de kɔntinyu fɔ luk fɔ yu.
A nid yu lɛk we pɔsin we tɔsti nid wata.
A so want fɔ mek yu de nia mi dat a fentNa dray land we no wata nɔ de ɛn we natin nɔ de gro.
2 So a bin luk yu na di oli ples;A bin si yu glori, ɛn a si se yu gɛt trɛnk.
3 Bikɔs yu lɔv we nɔ de chenj bɛtɛ pas layf,A go yuz mi mɔt fɔ prez yu.
4 So a go prez yu te a day;A go es mi an dɛn fɔ pre to yu.
5 A* satisfay wit di gud it ɛn di it dɛn we fayn pas ɔl,So a go yuz mi mɔt fɔ prez yu wit gladi-at.
6 A de mɛmba yu we a ledɔm na mi bed;A de tink gud wan bɔt yu ol nɛt.
7 Bikɔs na yu de ɛp mi,Ɛn a go ala wit gladi-at ɔnda yu wiŋ dɛn shado.
8 A ol yu tayt;Yu grip mi wit yu raytan.
9 Bɔt di wan dɛn we want fɔ kil miGo ɛnd-ɔp na grev.
10 Dɛn go kil dɛn wit sɔd;Dɛn go bi it fɔ jakal* dɛn.
11 Bɔt di kiŋ go gladi fɔ wetin Gɔd go du fɔ am.
Ɛnibɔdi we de yuz Gɔd in nem fɔ swɛ go gladi,*Bikɔs i go lɔk layman dɛn mɔt.
Futnot Dɛn
^ Rid Baybul Wɔd dɛn Minin.
^ Ɔ “Mi sol.”
^ Ɔ “fɔks.” Dis na animal we tan lɛk dɔg.
^ Ɔ “bost.”
