Sam 64:1-10
-
Protɛkt mi frɔm ɛnimi dɛn we de atak sikrit wan
-
“Gɔd go shut dɛn” (7)
-
To di wan we de dayrɛkt. Devid in siŋ.
64 E Gɔd, yɛri mi we a de beg.
Protɛkt mi layf frɔm di ɛnimi in bad bad atak dɛn.
2 Protɛkt mi frɔm di wikɛd pipul dɛn sikrit plan dɛn,Pul mi usay bad pipul dɛn bɔku.
3 Dɛn mɔt dɛn shap lɛk sɔd;*Dɛn bad bad wɔd dɛn tan lɛk aro dɛn,
4 Fɔ shut inosɛnt pɔsin frɔm di say we dɛn ayd;Dɛn de shut am jɔs lɛk dat, dɛn nɔ de fred.
5 Dɛn nɔ de lɛf dɛn bad plan;*Dɛn de tɔk bɔt aw dɛn fɔ ayd dɛn trap dɛn.
Dɛn de aks se: “Udat go si dɛn?”
6 Dɛn de fɛn nyu we dɛn fɔ du bad;Dɛn de mek kɔni kɔni plan sikrit wan;Pɔsin nɔ de ebul imajin wetin de insay dɛn at.
7 Bɔt Gɔd go shut dɛn;Aro go wund dɛn jɔs lɛk dat.
8 Dɛn yon mɔt go mek dɛn fel;Ɔl di wan dɛn we de luk dɛn go shek dɛn ed.
9 Dɔn ɔlman go fred,Dɛn go tɔk wetin Gɔd dɔn du,Ɛn dɛn go ɔndastand wetin i de du.
10 Di wan dɛn we de du wetin rayt go gladi fɔ wetin Jiova de du ɛn dɛn go ayd to am;Ɔl di wan dɛn we de du wetin rayt go gladi.*
Futnot Dɛn
^ Insay Ibru, “Dɛn de shap dɛn mɔt dɛn lɛk sɔd.”
^ Ɔ “Dɛn de ɛnkɔrej dɛnsɛf fɔ du bad.”
^ Ɔ “bost.”
