Wi ɔl want fɔ no bɔt layf, day, wetin mek pipul dɛn de sɔfa, ɛn wetin go apin tumara bambay. Wi kin wɔri bak bɔt di prɔblɛm dɛn we de mit wi ɛvride; lɛk aw fɔ gɛt mɔni fɔ kia fɔ di tin dɛn we wi nid ɛn aw fɔ gɛt gladi-at na wi famili. Bɔku pipul dɛn dɔn kam fɔ no se di Baybul nɔ jɔs de ɛp dɛn fɔ gɛt ansa to impɔtant kwɛstyɔn dɛn na layf, bɔt i de gi dɛn fayn advays dɛn bak we de ɛp dɛn ɛvride. Yu tink se di Baybul go ɛp pɔsin we yu sabi?

1. Wetin na sɔm kwɛstyɔn dɛn we di Baybul ansa?

Di Baybul ansa dɛn impɔtant kwɛstyɔn dɛn ya: Aw layf bin bigin? Wetin mek Gɔd gi wi layf? Wetin mek inosɛnt pipul dɛn de sɔfa? Wetin de apin to pɔsin we i day? If ɔlman want pis, wetin mek wɔ de bɔku say? Wetin go apin to di wɔl tumara bambay? Di Baybul ɛnkɔrej wi fɔ fɛn ansa to dɛn kwɛstyɔn dɛn de, ɛn bɔku pipul dɛn dɔn gɛt ansa we dɛn satisfay wit.

2. Aw di Baybul go ɛp wi fɔ ɛnjɔy wi layf ɛvride?

Di Baybul de gi wi fayn advays dɛn. Fɔ ɛgzampul, i de tich famili dɛn aw dɛn go gɛt tru tru gladi-at. I de tɛl wi wetin wi go du we wi strɛs ɛn aw wi go ɛnjɔy wi wok. As yu ɛn yu Baybul ticha de stɔdi dis buk togɛda, yu go lan wetin di Baybul de tich bɔt dɛn tɔpik dɛn ya ɛn bɔku ɔda wan dɛn. Yu go kam fɔ si se, “ɔl di skripchɔ dɛn [ɔltin we de insay di Baybul] . . . gud.”—2 Timoti 3:​16.

4. Di Baybul go ansa wi kwɛstyɔn dɛn

 5. Yu go ɛnjɔy fɔ rid di Baybul

6. Ɔda pipul dɛn go ɛp wi fɔ ɔndastand di Baybul

Bɔku pipul dɛn kin rid di Baybul fɔ dɛnsɛf, bɔt dɛn dɔn kam fɔ no se we dɛn de tɔk bɔt di Baybul wit ɔda pipul dɛn, dat kin ɛp dɛn. Rid Akt 8:​26-31, dɔn una tɔk bɔt di kwɛstyɔn we de dɔŋ:

• Wetin go ɛp wi fɔ ɔndastand di Baybul?—Rid vas 30 ɛn 31.

 WETIN YU DƆN LAN?

Di Baybul de gi wi advays dɛn we de ɛp wi ɛvride, i de ansa impɔtant kwɛstyɔn dɛn, ɛn i de gi pipul dɛn kɔrej ɛn op.

Rivyu

• Uskayn advays wi go fɛn na di Baybul?

• Wetin na sɔm kwɛstyɔn dɛn we di Baybul ansa?

• Wetin yu go lɛk fɔ lan frɔm di Baybul?