KWƐSTYƆN 18
Aw yu go ebul fɔ go nia Gɔd?
“Yu we de ansa wi prea, ɔlman na [di] wɔl go kam fɔ wɔship yu.”
“Trɔs PAPA GƆD wit ɔl yu at. Nɔ abop pan yu yon sɛns. Mek i put an pan ɔl wetin yu de du, ɛn yu go si yu we klia.”
“Fɔ gɛt da layf de, we go de sote go, dɛn fɔ no yu, we na di wangren tru Gɔd, ɛn dɛn fɔ no Jizɔs Krays, we yu sɛn kam to dɛn.”
“I de klos wi ɔl.”
“A de pre fɔ mek una lɛk Gɔd ɛn una kɔmpin mɔtalman mɔ ɛn mɔ, ɛn mek una no bɔt Gɔd mɔ ɛn mɔ, ɛn sabi mɔ ɛn mɔ wetin gud ɛn wetin bad.”
“If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.”
“Kam klos Gɔd ɛn i go kam klos una. Una dɛn sina, una lɛf fɔ sin. Una dɛn ipokrit, una pul dɛn bad tin kɔmɔt na una at.”
“We wi lɛk Gɔd wi de du ɔl wetin i tɛl wi fɔ du. Wetin i tɛl wi fɔ du nɔ traŋa fɔ wi.”
