KWƐSTYƆN 2
Aw yu go lan bɔt Gɔd?
“PAPA GƆD se lɛ Jɔshwa mek shɔ se dɛn de rid di Lɔ buk ɛnitɛm we dɛn pre to am ɛn wɔship am. I se dɛn fɔ de rid [am] de ɛn nɛt, so dat dɛn go no ɔl wetin de de fɔ ebul du ɔl wetin di lɔ se, so bɛtɛ go fala dɛn pan ɔl wetin dɛn put an pan.”
Jɔshwa 1:8
“Dɛn bin de rid frɔm di buk we PAPA GƆD in lɔ rayt ɛn ɛksplen di minin so dat di pipul dɛn go ɔndastand wetin dɛn de rid.”
“I fayn fɔ di pɔsin we nɔ de fala wetin bad pipul se, . . . i go fayn mɔ if i de ɛnjɔy fɔ rid PAPA GƆD in wɔd ɛn de tink bɔt PAPA GƆD in lɔ de ɛn nɛt. . . . I go bɛtɛ pan ɔl wetin i de du.”
“Filip go mit di bigman we kɔmɔt Itiopia, i yɛri di man de rid wan say pan wetin di prɔfɛt Ayzaya bin rayt. So Filip aks am se, ‘Yu ɔndastand wetin yu de rid?’ Di bigman we kɔmɔt Itiopia ansa am se: ‘Aw a go ɔndastand wetin a de rid wɛn pɔsin nɔ de fɔ ɛksplen am to mi?’”
Di Apɔsul Dɛn Wok [Akt] 8:30, 31
“Frɔm di tɛm we Gɔd mek di wɔl, ɔlman no gud gud se Gɔd gɛt pawa we nɔ de dɔn ɛn Gɔd na di tru Gɔd. Mɔtalman nɔ de si dɛn tu tin ya, bɔt dɛn go no dat bɔt Gɔd, bikɔs Gɔd dɔn mek dɛn tu tin ya plen to dɛn frɔm di tin dɛn we i mek. Na dat mek nɔbɔdi nɔ go se in nɔ no se na bad in de du.”
“Yu fɔ de du dɛn tin ya ɔltɛm ɛn put ɔl yu at pan dɛn, mek ɔlman go si se yu wok de go bifo.”
“Una lɛ wi tink aw wi go ɛp wisɛf mek wi go lɛk wi kɔmpin dɛn ɛn du gud to dɛn. Una lɛ wi nɔ tap fɔ de mit, lɛ wi nɔ fala dɛn pipul we nɔ de gri fɔ go mitin.”
“If ɛni wan pan una want mɔ sɛns fɔ du ɛnitin, mek i aks Gɔd, Gɔd go gi am, bikɔs Gɔd de gi mɔtalman plɛnti tin dɛn ɛn i gladi fɔ du dat.”
