Di Baybul de tɛl wi bɔt tin dɛn we bin dɔn apin trade, ɛn tin dɛn we go apin tumara bambay. Mɔtalman nɔ go ebul tɛl wi wetin go apin tumara bambay. Na dat mek wi no se na Gɔd in wɔd de na di Baybul. Yu no wetin di Baybul se go apin tumara bambay?

Di Baybul tɛl wi bɔt wan big big wɔ we Gɔd gɛt fɔ fɛt. Insay da wɔ de, Gɔd go pul ɔl di bad pipul dɛn ɛn di bad tin dɛn we dɛn de du. Bɔt i go sev di wan dɛn we de sav am. Jizɔs Krays na di kiŋ fɔ Gɔd in kiŋdɔm. I go mek shɔ se ɔlman ɛnjɔy ɛn gɛt gladi at, ɛn nɔbɔdi nɔ go day ɔ sik igen.

Wi gladi we Gɔd de kam mek di wɔl Paradays. Bɔt wi fɔ du sɔntin if wi want de na dis Paradays. Insay di las stori, wi go lan bɔt wetin fɔ du fɔ ɛnjɔy di fayn fayn tin dɛn we Gɔd dɔn prɔmis di wan dɛn we de sav am. So, rid PAT 8 lɛ yu no wetin di Baybul tɔk bɔt tumara bambay.