STƆDI 1
Introdyus Yu Tɔk Fayn Fayn Wan
Di Apɔsul Dɛn Wok [Akt] 17:22
WETIN FƆ DU: We yu bigin fɔ tɔk, yuz wɔd dɛn we go mek pipul dɛn want fɔ lisin, sho di tɔpik we yu want fɔ tɔk bɔt, ɛn sho wetin mek di wan dɛn wi de lisin to yu fɔ gɛt intrɛst pan wetin yu de tɔk.
AW FƆ DU AM:
-
Mek lɛ pipul dɛn want fɔ lisin. Pik wan kwɛstyɔn, tɔk bɔt tru tru tin we apin, sɔntin we dɛn tɔk na nyuz, ɔ ɛni ɔda tin we pipul dɛn go want fɔ no bɔt.
-
Sho yu tɔpik. Mek shɔ se we yu de bigin tɔk, di pipul dɛn we de lisin to yu fɔ no yu tɔpik ɛn di men tin we yu de tɔk bɔt klia wan.
-
Sho wetin mek di tɔpik impɔtant. Ajɔst wetin yu de tɔk bɔt, to wetin de apin to di pipul dɛn we yu de tɔk to. Dɛn fɔ ɔndastand klia wan aw di tɔpik go ɛp dɛn na dɛn layf.
