WETIN MEK I IMPƆTANT?: We wi Baybul stɔdi dɛn pripia, dat kin mek am izi fɔ mek dɛn ɔndastand ɛn mɛmba wetin wi de tich dɛn. Di mɔ we dɛn ɔndastand ɛn mɛmba wetin dɛn de lan, dat go mek dɛn go bifo kwik kwik wan. Ivin we dɛn dɔn baptayz, dɛn go stil nid fɔ de pripia fɔ go mitin ɛn fil savis fɔ mek dɛn “go de wach.” (Mat 25:​13) We dɛn sabi aw fɔ stɔdi, ɛn we dɛn de mek tɛm fɔ stɔdi ɔltɛm, dat go bɛnifit dɛn fɔ lɔng tɛm na layf. So frɔm di biginin, wi fɔ ɛp wi studɛnt dɛn fɔ gɛt di abit fɔ de pripia fɔ dɛn Baybul stɔdi.

AW FƆ DU AM?

• Sɛt fayn ɛgzampul. (Rom 2:​21) We wi de pripia fɔ go kɔndɔkt stɔdi, wi fɔ tink bɔt di pɔsin we wi de go to. (km 11/15 pej 3) Mek i si se wi ɔndalayn wi buk

• Ɛnkɔrej am fɔ pripia. As una bigin di stɔdi so, mek i no se i impɔtant fɔ pripia ɛn ɛksplen aw dat go bɛnifit am. Tɛl am bɔt sɔm tin dɛn we go ɛp am fɔ fɛn tɛm fɔ pripia. Sɔm pɔblisha dɛn kin gri fɔ mek dɛn studɛnt dɛn yuz dɛn buk we dɛn dɔn ɔndalayn we dɛn de stɔdi so dat di studɛnt go si wetin mek i impɔtant fɔ pripia. Tɛl di pɔsin tɛnki we i pripia

• Sho am aw fɔ pripia. We di stɔdi jɔs bigin, sɔm pɔblisha dɛn kin yuz wan ol stɔdi tɛm fɔ sho dɛn studɛnt dɛn aw fɔ pripia