Epril 1-7
SAMS 23-25
Siŋ 4 ɛn Prea | Smɔl Tɔk fɔ Stat di Mitin (1 min.)
1. “Jiova Na Mi Shɛpad”
(10 min.)
Jiova de lid wi (Sam 23:1-3; w11-E 5/1 pej 31, par. 3)
Jiova de protɛkt wi (Sam 23:4; w11-E 5/1 pej 31, par. 4)
Jiova de fid wi (Sam 23:5; w11-E 5/1 pej 31, par. 5)
Jiova de kia fɔ in savant dɛn jɔs lɛk aw shɛpad we lɛk in ship dɛn de kia fɔ dɛn.
AKS YUSƐF, ‘Aw Jiova dɔn de kia fɔ mi?’
2. Luk Gud Wan fɔ di Valyu Tin dɛn na Gɔd in Wɔd
(10 min.)
Sam 23:3—Wetin “di say usay dɛn de du wetin rayt” min? Wetin go ɛp wi nɔ fɔ kɔmɔt de? (w11-E 2/15 pej 24, par. 1 to par. 3)
We yu bin de du yu Baybul ridin fɔ dis wik, us valyu tin dɛn yu fɛn we yu go lɛk fɔ tɔk bɔt?
3. Baybul Ridin
(4 min.) Sam 23:1–24:10 (th stɔdi 5)
4. We Yu De Stat fɔ Tɔk
(3 min.) PRICH ƐNITƐM APAT FRƆM OS TO OS. Sho wan Baybul vas we go ɛnkɔrej pɔsin we tɛl yu se i de wɔri bikɔs di tin dɛn we pipul dɛn de du de pwɛl di wɔl. (lmd lɛsin 2 pɔynt 5)
5. We Yu Go Fɛn Pɔsin Bak
(4 min.) OS TO OS. Sho aw fɔ stat Baybul stɔdi wit pɔsin we gri fɔ tek di Ɛnjɔy Layf Sote Go! brosho. (lmd lɛsin 9 pɔynt 3)
6. Mek Disaypul
(5 min.) lff lɛsin 14 pɔynt 4 (lmd lɛsin 11 pɔynt 3)
Siŋ 54
7. Wi Nɔ De Lisin to Strenja dɛn Vɔys
(15 min.) Dis na pat we yu ɛn di ɔdiɛns fɔ tɔk bɔt.
Ship dɛn sabi dɛn shɛpad in vɔys ɛn dɛn de fala am. Bɔt dɛn de rɔnawe frɔm strenja we dɛn nɔ sabi in vɔys. (Jɔn 10:5) Semweso, wi kin lisin to Jiova ɛn Jizɔs we na wi spirichwal shɛpad dɛn we lɛk wi ɛn wi kin abop pan dɛn. (Sam 23:1; Jɔn 10:11) Bɔt wi nɔ de lisin to strenja dɛn we de yuz “lay lay wɔd dɛn” fɔ mek wi nɔ go gɛt bɛtɛ fet.—2Pi 2:1, 3.
Jɛnɛsis chapta tri tɔk bɔt di fɔstɛm we pɔsin yɛri strenja in vɔys na dis wɔl. Setan bin ayd udat i bi ɛn i yuz kɔni we fɔ ful Iv. Setan mek lɛk se in na Iv in padi ɛn i lay bɔt di wɔd dɛn we Jiova bin tɔk ɛn di rizin we mek i tɔk dɛn wɔd dɛn de. I sɔri fɔ no se, Iv bin lisin ɛn dat mek in ɛn in famili bigin fɔ sɔfa bad bad wan.
Tide, Setan de tray fɔ mek wi gɛt dawt bɔt Jiova ɛn in ɔganayzeshɔn bay we i de prɛd lay lay ripɔt dɛn, miks lay lay tɔk wit tru, ɛn prɛd infɔmeshɔn dɛn we de ful pipul dɛn. We wi yɛri strenj vɔys, wi fɔ rɔnawe! Wi nɔ fɔ lisin ilɛksɛf na fɔ shɔt tɛm, jɔs bikɔs wi want fɔ yɛri wetin dɛn go se. Ɔmɔs wɔd dɛn Setan bin nid fɔ yuz fɔ ful Iv insay di shɔt tɛm we dɛn tɔk? (Jɛn 3:1, 4, 5) Bɔt wetin wi go du if pɔsin we wi sabi, we lɛk wi, ɛn we min gud fɔ wi, want fɔ tɔk ɔ sho wi bad tin dɛn bɔt Jiova in ɔganayzeshɔn?
Ple di VIDIO Nɔ Lisin to “Strenja dɛn Vɔys.” Dɔn aks di ɔdiɛns dis kwɛstyɔn:
Wetin yu lan frɔm wetin Judit bin du we in mama bin want fɔ sho am bad tin bɔt Jiova in ɔganayzeshɔn?
8. Kɔngrigeshɔn Baybul Stɔdi
(30 min.) bt chap. 8 par. 1 to par. 4, wit di bɔks dɛn na pej 61 ɛn pej 62
