As mɔtalman dɛn we nɔ pafɛkt, wi fɔ tray tranga wan fɔ kɔntrol di tin dɛn we wi want. If wi jɔs de du ɛnitin we wi want, Jiova nɔ go gladi fɔ wi. Fɔ ɛgzampul, sɔm pipul dɛn go alaw di we aw dɛn lɛk it, klos, ɛn say fɔ de fɔ pas di we aw dɛn lɛk Gɔd. Ɔda pipul dɛn de du mami ɛn dadi biznɛs di we aw Gɔd nɔ want fɔ satisfay dɛnsɛf. (Rom 1:​26, 27) Ɔda pipul dɛn de bak we de alaw dɛn padi dɛn fɔ mek dɛn du bad tin bikɔs dɛn want mek dɛn padi dɛn lɛk dɛn ɔ bikɔs dɛn want fɔ de wit dɛn.—Ɛks 23:​2.

Aw wi go kɔntrol di tin dɛn we wi want? Wi fɔ du wi bɛst fɔ pe atɛnshɔn pan spirichwal tin dɛn. (Mat 4:​4) Dɔn bak, wi fɔ beg Jiova fɔ ɛp wi fɔ kɔntrol di tin dɛn we wi want. Wetin mek? Bikɔs i no wetin gud fɔ wi ɛn i no aw fɔ gi wi di rayt tin dɛn we wi want.—Sam 145:​16.

WACH DI VIDIO WE GƐT DI TAYTUL, NƆ SMOK ƐN WEST YU LAYF, DƆN UNA ANSA DI KWƐSTYƆN DƐN WE DE DƆŊ:

• Wetin mek sɔm pipul dɛn de smok?

• If yu smok wetin dat go du to yu?

• Wetin mek i bad fɔ smok sigarɛt ɛn shisha?—2Kɔ 7:​1

• Wetin yu go du fɔ mek yu nɔ smok? Ɔ if yu de smok wetin yu go du fɔ lɛf fɔ smok?