Rid Jɛrimaya 38:​1-13 fɔ lan bɔt di maynd we prɔfɛt Jɛrimaya ɛn Ibɛdmɛlɛk bin gɛt.

Tray fɔ ɔndastand di ɔda vas dɛn. Aw Jɛrimaya bin sho se i gɛt maynd we i bin de tɔk bɔt Jiova in mɛsej? (Jɛr. 27:​12-14; 28:​15-17; 37:​6-10) Wetin di pipul dɛn bin du we dɛn yɛri wetin Jɛrimaya tɛl dɛn?—Jɛr. 37:​15, 16.

Du mɔ risach. Wetin di pipul dɛn bin de prɛzhɔ Jɛrimaya fɔ du? (jr-E pej 26 ɛn 27, par. 20 to 22) Du risach fɔ no wetin dɛn bin de yuz sistɛn dɛn fɔ ɛn aw dɛn bin luk lɛk. (it-1-E pej 471) Aw yu tink se Jɛrimaya bin de fil we i bin de insay di sistɛn ɛn de go dɔŋ di pɔtɔpɔtɔ? Wetin Ibɛdmɛlɛk go dɔn de fred?—w12-E 5/1 pej 31, par. 2 ɛn 3.

Tray fɔ no di lɛsin dɛn. Aks yusɛf:

• ‘Wetin dis akawnt tich mi bɔt aw Jiova de protɛkt in savant dɛn we nɔ de kɔmɔt biɛn am?’ (Sam 97:10; Jɛr. 39:​15-18)

• ‘Wetin go apin we go mek a nid fɔ sho se a gɛt maynd?’

• ‘Wetin a go du fɔ gɛt maynd mɔ fɔ du wetin rayt ilɛk dɛn de prɛzhɔ mi fɔ du di rɔng tin?’ (w11-E 3/1 pej 30) a