UNA GO DE WACH!
2023: Di Ia we Mek Bɔku Pipul dɛn Wɔri—Wetin di Baybul Se?
Di tin dɛn we apin insay 2023, mek wi nɔ gɛt wan dawt se wi de liv insay di tɛm we di Baybul kɔl “di las dez.” (2 Timoti 3:1) Notis aw di tin dɛn we de apin arawnd wi gɛt fɔ du wit wetin di Baybul bin dɔn tɔk se gɛt fɔ apin insay wi tɛm.
Di Baybul ɛn di tin dɛn we de apin na di wɔl
“Wɔ ɛn . . . nyuz bɔt wɔ.”—Matyu 24:6.
“Na bɔku pat dɛn na di wɔl fɛt-fɛt dɔn de bɔku bikɔs pipul dɛn nɔ de gri pan sɔntin.” a
Rid di atikul dɛn we nem “Udat Go Sev di Sivilian Dɛn?” ɛn “World Military Spending Surpasses $2 Trillion.”
“Na difrɛn ples dɛn, atkwek go apin.”—Mak 13:8.
“Frɔm we di ia 2023 bigin, 13 atkwek dɛn we pas magnityud 7 dɔn apin na difrɛn pat dɛn na di wɔl. Frɔm di tɛm we dɛn bigin fɔ kip rɛkɔd, dis na wan pan di rɛkɔd dɛn we ay pas ɔl.” b
Rid di atikul we nem “Devastating Earthquakes Strike Turkey and Syria.”
“Fiaful tin dɛn.”—Lyuk 21:11.
“Di tɛm we di ples kin wam pasmak dɔn dɔn; ɛn di we aw di ples de wam naw tan lɛk na bwɛl di ples de bwɛl.”—Antonio Guterɛsh, UN sɛktri-jɛnɛral. c
Rid di atikul we nem “Summer 2023 Global Heat Wave.”
“Tin fɔ it go shɔtin.”—Matyu 24:7.
“2023: Dis na bin ia we bɔku pipul dɛn rili wɔri bɔt aw fɔ fɛn tin fɔ it fɔ dɛn famili dɛn.” d
Rid di atikul we nem “Global Food Crisis Fueled by War and Climate Change.”
“Tin go tranga ɛn bad.”—2 Timoti 3:1.
“Ɔlsay na di wɔl, we yu kɔnt et pipul dɛn, wan pan dɛn de sɔfa wit sɔm kayn ed prɔblɛm.” e
Rid di atikul we nem “Disturbing Decline in Teen Mental Health.”
Wetin fɔ ɛkspɛkt insay 2024?
Nɔbɔdi nɔ no fɔ shɔ wetin gɛt fɔ apin insay 2024. Bɔt di tin dɛn we de apin na di wɔl de sho se i nɔ go te igen Gɔd in kiŋdɔm ɔ gɔvmɛnt we de na ɛvin go bigin rul ɛn pul ɔl mɔtalman gɔvmɛnt dɛn. Dis go mek ɔl di tin dɛn we de mek wi sɔfa ɛn wɔri dɔn.—Daniɛl 2:44; Rɛvɛleshɔn 21:4.
Sote da tɛm de kam, ɛnitɛm we sɔntin de mek wi wɔri, wi fɔ abop pan Gɔd fɔ lɛ i ɛp wi. Di Baybul se:
“We a de fred, na pan yu a de abop.”—Sams 56:3.
Aw wi kin sho se wi abop pan Gɔd? Wi de invayt yu fɔ lan mɔ bɔt di prɔmis dɛn na di Baybul bɔt aw wi tumara bambay gɛt fɔ tan lɛk, we natin nɔ go mek wi sɔfa. Gri fɔ stɔdi di Baybul wit wan pan Jiova Witnɛs dɛn fɔ fri ɛn si aw yu ɛn yu famili kin bɛnifit frɔm di Baybul in prɔmis dɛn.
a Foreign Affairs, “A World at War: What Is Behind the Global Explosion of Violent Conflict?” bay Emma Beals ɛn Peter Salisbury, Ɔktoba 30, 2023.
b Earthquake News, “Year 2023: Number of Major Earthquakes on Course for Record,” Me, 2023.
c United Nations, “Secretary-General’s Opening Remarks at Press Conference on Climate,” Julay 27, 2023.
d World Food Programme, “A Global Food Crisis.”
e World Health Organization, “World Mental Health Day 2023,” Ɔktoba 10, 2023.
You May Also Like
IMPƆTANT BAYBUL TICHIN DƐN
Wetin na Gɔd in Kiŋdɔm?
Di tɛm we Jizɔs bin de na di wɔl, i bin tɔk bɔt Gɔd in Kiŋdɔm pas ɛni ɔda tin. Fɔ lɔng tɛm, di wan dɛn we de fala Jizɔs dɔn pre fɔ mek da Kiŋdɔm de kam.
