Akɔdin to wan sɔve we dɛn du ɔlsay na di wɔl dɛn biɛn tɛm dɛn ya, a dɛn se we yu kɔnt 4 pipul dɛn, wan pan dɛn de fil lɛk se na in wangren de.

•   “Pɔsin kin de i nɔ gɛt padi ɔ pipul dɛn we i de nia, i nɔ mata ɔmɔs ia i ol ɔ usay i de.”​—Chido Mpemba, cochair of the World Health Organization’s Commission on Social Connection

 Sɔm pipul dɛn kin fil se na jɔs di wan dɛn we dɔn ol ɔ we na dɛn wangren tap na dɛn os, kin fil lɛk se na dɛn wangren de. Bɔt nɔto so i bi. Ivin yɔŋ wan dɛn, di wan dɛn we gɛt wɛlbɔdi, di wan dɛn we gɛt mɔni, ɛn di wan dɛn we marɛd kin fil lɛk se na dɛn wangren de. We pɔsin nɔ de miks wit ɔda pipul dɛn ɛn i de fil lɛk se na in wangren de, dat kin afɛkt in wɛlbɔdi ɛn di we aw i de fil.

•   “Wan dɔktɔ we nem Vɛvɛk Mɔti we de du ɔpreshɔn ɛn we de in chaj ɔf di wɛlbɔdi biznɛs fɔ di pɔblik na Amɛrika, tɔk se: “Fɔ fil lɛk se na yu wangren de nɔto jɔs we pɔsin de fil bad.” I tɔk bak se, “Pɔsin we nɔ gɛt no padi dɛn ɛn we nɔ de miks wit ɔda pipul dɛn, in layf de pan denja lɛk pɔsin we de smok 15 sigarɛt insay wan de.”

 Di Wan we Mek Wi nɔ want fɔ lɛ wi jɔs de kip to wisɛf. Di tin we Gɔd want fɔ mɔtalman na fɔ mek dɛn ɛnjɔy gud padi biznɛs wit ɔda pipul dɛn we go mek dɛn satisfay.

•   Baybul prinsipul: “Gɔd tɔk se: ‘I nɔ fayn fɔ mek di man kɔntinyu fɔ de in wan.’”​—Jɛnɛsis 2:​18.

 Gɔd want mek wi gɛt padi biznɛs wit am. I prɔmis wi se i go kam nia wi if wisɛf tray fɔ go nia am.​—Jems 4:​8.

•   Baybul prinsipul: “Di wan dɛn we no se dɛn nid fɔ lan bɔt Gɔd gɛt gladi-at bikɔs na dɛn gɛt di kiŋdɔm we de na ɛvin.”​—Matyu 5:​3.

 Gɔd want wi fɔ wɔship am togɛda wit ɔda pipul dɛn. We wi du so, dis de ɛp fɔ mek wi gladi.

•   Baybul prinsipul: “Lɛ wi de tink bɔt wi kɔmpin dɛn so dat wi go ɛp dɛn fɔ sho lɔv ɛn du fayn tin dɛn, ɛn mek wi nɔ lɛf fɔ de mit togɛda, . . . bɔt mek wi de ɛnkɔrej wi kɔmpin dɛn.”​—Ibruz 10:​24, 25.

 Fɔ no mɔ bɔt wetin mek i impɔtant fɔ lɛ yu tray fɔ lɛf fɔ de fil lɛk se na yu wangren de, na fɔ rid dis atikul insay Inglish we nem “Loneliness in a World of Mass Connection.”