Bɔku pipul dɛn fil se fɔ yuz di krɔs de sho se yu na Kristian. Pan ɔl we Jiova Witnɛs dɛn na Kristian dɛn, wi nɔ de yuz di krɔs we wi de wɔship. Wetin mek?

 Wan rizin na dat di Baybul tɔk se Jizɔs nɔ day pan krɔs bɔt i day pan tik. Dɔn bak, di Baybul gi Kristian dɛn strɔng wɔnin fɔ “rɔnawe pan aydɔl wɔship,” we min se wi nɔ fɔ yuz krɔs we wi de wɔship.​—⁠1 Kɔrintians 10:​14; 1 Jɔn 5:​21.

 Wetin mɔ impɔtant na dat Jizɔs bin se: “If una lɛk una kɔmpin dɛn, ɔlman go no se una na mi disaypul dɛn.” (Jɔn 13:​34, 35) Jizɔs bin sho klia wan se di tin we go sho se wi na in tru disaypul dɛn na we wi gɛt tru tru lɔv, nɔto di krɔs ɔ ɛni ɔda imej.