ဖဲယ့ၣ်ၡူးအိၣ်လၢ ဟီၣ်ခိၣ်ချၢအခါ အဝဲပာ်ဖျါထီၣ် တၢ်အဲၣ်လၢ ပှၤဂၤအဖီခိၣ် လီၤဆီဒၣ်တၢ် အဝဲပာ်ဖျါထီၣ်ဝဲလၢ ပှၤဖှီၣ်ဖိယာ်ဖိ ဒီးပှၤလၢအသူၣ်အုးသးအုးတဖၣ် အဖီခိၣ်. (မးသဲ ၉:၃၆) တကးဒံးဘၣ် အဝဲဟ့ၣ်လီၤအသးသမူ လၢပှၤဂၤအဂီၢ်. (မးသဲ ၂၀:၂၈; ယိၤဟၣ် ၁၅:၁၃) တယံာ်လၢၤဘၣ်န့ၣ် ယ့ၣ်ၡူးကပာ်ဖျါထီၣ်ကဒီး လၢအအဲၣ် ပှၤဟီၣ်ခိၣ်ဖိ. အဝဲကဲထီၣ် ယွၤအဘီအမုၢ် အစီၤပၤ ဒီးအအိၣ်ဒီး တၢ်န့ၢ်စိန့ၢ်ကမီၤလံအဃိ အဝဲကသူဝဲ အတၢ်န့ၢ်စိန့ၢ်ကမီၤအံၤ လၢကမၤကတၢၢ်ကွံာ် တၢ်ဖှီၣ်တၢ်ယာ် လၢဟီၣ်ခိၣ်ဒီဘ့ၣ်.

 ပကကွၢ်သကိး လံာ်စီဆှံ ပာ်ဖျါထီၣ်ဝဲ တၢ်လၢယ့ၣ်ၡူး ကမၤဝဲတဖၣ်–

•   “မ်အဝဲ အိၣ်ဃူဒီးဒီသဒၢ ပှၤလၢအပတီၢ်ဖုၣ်တဖၣ် လၢအအိၣ်လၢ ပှၤဂီၢ်မုၢ် အကျါတက့ၢ်. မ်အဝဲ အုၣ်က့ၤခီၣ်က့ၤ ပှၤဖှီၣ်ဖိယာ်ဖိ . . . တက့ၢ်.”—စံးထီၣ်ပတြၢၤ ၇၂:၄.

 ဘၣ်ဃးဒီး တၢ်လၢယ့ၣ်ၡူးမၤန့ၢ်ပှၤတဖၣ် ဒီးကမၤန့ၢ်ပှၤတဖၣ်န့ၣ် ပပာ်ဖျါထီၣ် တၢ်စံးဘျုးစံးဖှိၣ် ကသ့ဒ်လဲၣ်. ဖဲ လူၤကၣ် ၂၂:၁၉ န့ၣ်ယ့ၣ်ၡူး မၢအပျဲၢ်အဘီၣ်တဖၣ် မၤတၢ်သ့ၣ်နီၣ်ထီၣ်က့ၤ အတၢ်သံ. အဃိ တနံၣ်ဘၣ်တနံၣ် ဖဲယ့ၣ်ၡူးသံအနံၤန့ၣ် ယဟိဝၤပှၤအုၣ်အသးတဖၣ် ပာ်ဖှိၣ်ထီၣ်အသးလၢ ကမၤဝဲဒ်န့ၣ်အဂီၢ်. ပကွဲမုာ်ဘၣ်နၤလၢ နကဟဲထီၣ် ယ့ၣ်ၡူးအတၢ်သံ အတၢ်သ့ၣ်နီၣ်ထီၣ်က့ၤအမူး ဖဲ အိၣ်ဘှံးနံၤ, လါမၢ်ၡး ၂၄, ၂၀၂၄.

ဃုကွၢ် တၢ်သ့ၣ်နီၣ်ထီၣ်က့ၤအမူး