ယ့ၣ်ၡူးမ့ၢ်ယွၤအဘီအမုၢ် အစီၤပၤတဂၤ.

လူၤကၣ် ၁:၃၁-၃၃– “ဒီးနဘၣ်ယုၢ်အမံၤလၢယ့ၣ်ၡူးလီၤ. အဝဲဒၣ်န့ၣ်​ ကမ့ၢ်ပှၤအဒိၣ်, ဒီးကဘၣ်တၢ်ကိးအီၤလၢ တၢ်ထီကတၢၢ်အဖိခွါလီၤ. ဒီးကစၢ်ယွၤကဟ့ၣ်အီၤလၢ အပၢ်စီၤဒၤဝံးအလီၢ်ပစိာ်, ဒီးကပၢဘၣ်စီၤယၤကိာ်အဟံၣ်​ အစိၤစိၤအဃၣ်ဃၣ်လီၤ. ဒီးအဘီအမုၢ်န့ၣ်​ အကတၢၢ်တအိၣ်ဘၣ်လီၤ.”

တၢ်ဂ့ၢ်ခိၣ်သ့ၣ်လၢ ယ့ၣ်ၡူးစံၣ်တဲၤတဲလီၤဝဲန့ၣ်​ မ့ၢ်ဝဲယွၤအဘီအမုၢ်.

မးသဲ ၉:၃၅– “ဒီးယ့ၣ်ၡူးဟးဝ့ၤဝီၤတၢ်လၢ ကိးခူကိးဝ့ၢ် ဒီးကိးဒူကိးသဝီ, ဒီးသိၣ်က့ၤသီက့ၤတၢ်လၢ အဘူၣ်ဘျီၣ်ပူၤ, ဒီးစံၣ်တဲၤတဲလီၤ ဘီမုၢ်အတၢ်သးခုအကစီၣ်, ဒီးမၤဘျါက့ၤ ကယဲၢ်တၢ်ဆူးတၢ်ဆါ, ဒီးတၢ်အက့အကွဲၣ်ခဲလၢာ်လီၤ.”

ယ့ၣ်ၡူးဟ့ၣ်အပျဲၢ်အဘီၣ်တဖၣ်တၢ်ပနီၣ်​ ဒ်သိးကသ့ၣ်ညါဝဲလၢ ယွၤအဘီအမုၢ် ကဟဲဘူးထီၣ်အဂ့ၢ်.

မးသဲ ၂၄:၇– “အဂ့ၢ်ဒ်အံၤ, ပှၤကညီတကလုာ် ကထီဒါပှၤကညီတကလုာ်, ဒီးတဘီတမုၢ် ကထီဒါ တဘီတမုၢ်လီၤ. ဒီးတၢ်အိၣ်ဝံၤအိၣ်ဃဲၤတဖၣ်, ဒီးတၢ်ဆါသံသတြိာ်တဖၣ်​ ကအိၣ်ထီၣ်, ဒီးဟီၣ်ခိၣ်​ ကဟူးဝးဆှဲးဆှိးဝဲ လၢအံၤတပူၤလၢနုၤတပူၤလီၤ.”

အခဲအံၤ ယ့ၣ်ၡူးအပျဲၢ်အဘီၣ်တဖၣ်​ စံၣ်တဲၤတဲလီၤ ယွၤအဘီအမုၢ်အဂ့ၢ် လၢဟီၣ်ခိၣ်ဒီဘ့ၣ်.

မးသဲ ၂၄:၁၄– “ဒီးဘီမုၢ်အတၢ်သးခုအကစီၣ်အံၤ, ကဘၣ်တၢ်စံၣ်တဲၤတဲလီၤအီၤလၢ ဟီၣ်ခိၣ်ဒီဘ့ၣ်ညါ, လၢတၢ်အုၣ်အသးလၢ ပှၤကလုာ်ခဲလၢာ်အဂီၢ်လီၤ. တုၤနုၤတစု တၢ်အကတၢၢ်န့ၣ်​ ကဟဲဘၣ်ဝဲလီၤ.”