စးထီၣ်​လၢ တၢ်ဘၣ်တ့​ကစၢ် တ့​လီၤ​ပှၤ​ဟီၣ်ခိၣ်​ဖိလံၤ​လံၤ​န့ၣ်​ အ​ဆဲး​ကျိာ်​လိာ်သး​ဒီး ပှၤ​ခီဖျိ​လၢ မူခိၣ်​ကလူး ဒီး​ဝံ​တဖၣ်​န့ၣ်​လီၤ. တကးဒံးဘၣ်​ အ​ကွဲး​လီၤ​န့ၢ်​ပှၤ အ​တၢ်ကစီၣ်​ဒီး အ​တၢ်​အၢၣ်​လီၤ​အီ​လီၤ​တဖၣ်​စ့ၢ်ကီး​လီၤ. ကစၢ်​ယွၤ အၢၣ်​လီၤ​ပှၤလၢ ခါဆူညါ​န့ၣ်​ ပ​က​ဒိးန့ၢ်​​ဘၣ်​တၢ်သးခု​နီၢ်ကီၢ်​လီၤ. အဃိ မုၢ်မဆါ​တနံၤညါအံၤ ဘၣ်ဃး​ဒီး​ကစၢ်​ယွၤ တၢ်​အၢၣ်​လီၤ​အီ​လီၤ​န့ၣ်​ န​ဃုထံၣ်န့ၢ်​အီၤ​က​သ့​ဖဲလဲၣ်.

ကစၢ်​ယွၤ​တၢ်ကစီၣ်​န့ၣ်  ပ​က​ထံၣ်န့ၢ်​အီၤ​လၢ  လံာ်​တၢ်ကွဲး​အသး​စီဆှံ​လီၤ. (၂ တံၤမသ့း ၃:၁၆) ကစၢ်​ယွၤ​သူဝဲ အ​ဝံ​တဖၣ်​လၢ က​ကွဲး​လီၤ​ဝဲ အ​တၢ်ကစီၣ်​ဒ်လဲၣ်. (၂ ပ့းတရူး ၁:၂၁) ကစၢ်​ယွၤ​သူဝဲ ပိာ်ခွါ​တဖၣ်​လၢ က​ကွဲး​လီၤ​ဝဲ အ​တၢ်​ဆိကမိၣ်​တဖၣ်​န့ၣ်​လီၤ. အဒိ, တၢ်မၤ​အခိၣ်​ မ့ၢ်​တဲဖျါထီၣ်​ဝဲ အ​တၢ်​ဆိကမိၣ်​လၢ အ​နဲၣ်ရွဲၣ်​အိၣ်​ ဝံၤ​အ​မၢ​အ​ကွဲး​လီၤ​န့ၢ်​အီၤ လၢ​လံာ်ပရၢ​အ​ပူၤ​လီၤ. အဃိ ပ​သ့ၣ်ညါ​​ဘၣ်​လၢ လံာ်​အံၤ​ဟဲ​လၢ တၢ်မၤခိၣ်​အ​အိၣ်​လီၤ တမ့ၢ်​ဟဲ​လၢ နဲၣ်ရွဲၣ်​အ​အိၣ်ဘၣ်. ဒ်​န့ၣ်​အသိး ကစၢ်​ယွၤ​သူဝဲ ပှၤ​ပိာ်ခွါ​တဖၣ်​လၢ က​ကွဲး​လီၤ​ဝဲ အ​တၢ်ကစီၣ်​တဖၣ်​ အဃိ အမ့ၢ်​ပှၤလၢ​အ​ကွဲးဝဲ လံာ်​တၢ်ကွဲး​အသး​စီဆှံ​တဘ့ၣ်​အံၤ​နီၢ်ကီၢ်​န့ၣ်​လီၤ.

ကစၢ်​ယွၤ​အ​တၢ်ကစီၣ်​န့ၣ်​ အရ့ဒိၣ်​ဒိၣ်မး အဃိ အ​ရဲၣ်ကျဲၤ​​ဝဲ​လၢ “ကယဲၢ်​ပှၤ​ကလုာ်, ဒီး​ပှၤ​အဒူၣ်, ဒီး​ပှၤ​ကတိၤ​တၢ်​အကျိာ်” တဖၣ်​ က​မၤလိ​ဒီး နၢ်ပၢၢ်ထီၣ်​​ဝဲ​န့ၣ်​လီၤ. (လီၣ်ဖျါ ၁၄:၆) ခီဖျိ​ကစၢ်​ယွၤ​တၢ်​ဆိၣ်ဂ့ၤ​အဃိ ပ​ဒိးန့ၢ်​​ဘၣ်​လံာ်စီဆှံ ဒီတဘ့ၣ်​မ့ၢ်ဂ့ၤ အ​ကတြူၢ်​တနီၤ​မ့ၢ်ဂ့ၤ ပ​ဒိးန့ၢ်​​ဘၣ်​အီၤ​သ့​လၢ ကျိာ် ၃,၀၀၀ ဘျဲၣ်​သ့​ဝဲ​လီၤ. ဒီး​လံာ်​အံၤ ​ဘၣ်​တၢ်​ထုးထီၣ်​ရၤ​လီၤ​အီၤ အါန့ၢ်ဒံး​လံာ်​အ​ဂုာ်​အဂၤ​တဖၣ်​လၢ ဟီၣ်ခိၣ်​ဒီဘ့ၣ်​န့ၣ်​လီၤ.