ဆၢကတီၢ်ခဲအံၤ ဒ်သိးပှၤအါဂၤ ကန့ၢ်ဘၣ်တၢ်လၢ အလိၣ်ဘၣ်ဝဲနီၢ်ကီၢ် လၢတနံၤဘၣ်​ တနံၤအဂီၢ် အကဘၣ်​ ဂုာ်ကျဲးစၢးဝဲဆူၣ်မး. ဒီးဟီၣ်ခိၣ်တၢ်အိၣ်သး ဒံးနးထီၣ်အဃိ အကီထီၣ်ဒိၣ်မး. ဘၣ်မနုၤအဃိ ပတဲဒ်န့ၣ်လဲၣ်.

• လၢတၢ်လီၢ်တနီၤန့ၣ်​ တၢ်ကီတၢ်ခဲ အါထီၣ်အဃိ တၢ်အီၣ်တၢ်အီ ဒီးဟံၣ်လဲ ပှ့ၤဒိၣ်ထီၣ်ဒိၣ်မး.

• ခီဖျိလၢ တၢ်အိၣ်သးကီခဲ အကလုာ်ကလုာ်အဃိ ပှၤအါတက့ၢ် အတၢ်မၤ တအိၣ်လၢၤဘၣ်​ ဒီးပှၤတနီၤန့ၣ်​ အလါလဲလီၤစှၤ.

• ခီဖျိလၢ န့ဆၢၣ်တၢ်ဘၣ်ဒိဘၣ်ထံးအဃိ ပှၤအါတက့ၢ် အတၢ်ဖံးအီၣ်မၤအီၣ်, အဟံၣ်အဃီ ဒီးတၢ်လၢအိၣ်ဒီး အဝဲသ့ၣ်န့ၣ်​ တအိၣ်လၢၤဘၣ်အဃိ အဝဲသ့ၣ်​ ဖှီၣ်လီၤဝဲ.

• ခဲအံၤ နမ့ၢ်သူကတီၤနစ့န့ၣ်​ ခါဆူညါ ဖဲတၢ်အိၣ်သး နးဒိၣ်ထီၣ်အခါ နလဲၤခီဖျိအီၤကညီ.

• သ့ၣ်နီၣ်ထီၣ်လၢ နတၢ်ဟဲနုာ်, စ့လၢနပာ်ဃာ် ဒီးနတၢ်ဖိတၢ်လံၤန့ၣ်​ အလုၢ်အပှ့ၤ လီၤမၢ်ကွံာ်သ့.

• ဟံၣ်ဃီ တၢ်ဃူတၢ်ဖိး ဒီးတၢ်သးခုန့ၣ်​ နပှ့ၤလၢစ့ တန့ၢ်ဘၣ်.

လံာ်စီဆှံတဲဝဲလၢ– “ပတၢ်အီၣ်တၢ်အီ ဒီးပတၢ်ကူတၢ်သိး မ့ၢ်အိၣ်န့ၣ်​ ပကသးမံ.”—၁ တံၤမသ့း ၆:၈.

နမ့ၢ်အိၣ်ဒီး တၢ်သးမံန့ၣ်​ နတလီကီတၢ် အါတလၢဘၣ်​ ဒီးနကသးခုလၢ နန့ၢ်ဘၣ်​ တၢ်လၢ နလိၣ်ဘၣ်​ လၢတနံၤအဂီၢ်. အဃိ နစ့မ့ၢ်တအိၣ်​ အါအါဘၣ်န့ၣ်​ အရ့ဒိၣ်လၢ နကအိၣ်ဒီး တၢ်သးမံ.

ဒ်သိး နကအိၣ်ဒီး တၢ်သးမံအဂီၢ် နကဘၣ်​ သူကတီၤနစ့ ဒီးအိၣ်မူယိယိဖိ. နမ့ၢ်ပှ့ၤတၢ်လၢ အပှ့ၤဒိၣ်ထီဘိန့ၣ်​ နကထံၣ်ဘၣ်​ ကျိၣ်စ့တၢ်ကီတၢ်ခဲ အါထီၣ်.