စံးထီၣ်ပတြၢၤ ၂:၁-၁၂
၂ ဘၣ်မနုၤအဃိ ပှၤကလုာ်တဖၣ် အသးဘၣ်တံာ်တာ်ဒီးတဲဝဲ* တၢ်လၢ အဘျုးတအိၣ်ဘၣ်တဖၣ် အဂ့ၢ်လဲၣ်.+
၂ ဟီၣ်ခိၣ်အစီၤပၤတဖၣ် ဆၢထၢၣ် ကတဲာ်ကတီၤ ပာ်စၢၤအသးဒီးပဒိၣ်တဖၣ် အိၣ်ဖှိၣ်ဝဲတပူၤဃီ+ဒ်သိးကထီဒါ ယဟိဝၤယွၤ ဒီးအပှၤ ဒိးဖှူသးတဂၤ* အဂီၢ်လီၤ.+
၃ ပှၤတဖၣ်န့ၣ်တဲဝဲလၢ “ကဲ, ပကမၤတဲာ်ကွံာ် အဝဲသ့ၣ် အထးသွဲတဖၣ်ဒီးတၢၤကွံာ် အဝဲသ့ၣ် အပျံၤတဖၣ်ဟီ.”
၄ ယဟိဝၤယွၤ လၢအဆ့ၣ်နီၤလၢ လီၢ်ပစိာ်အဖီခိၣ်န့ၣ် ကနံၤဝဲဒီးအဝဲကဒုၣ်ဒွဲၣ် အဝဲသ့ၣ်လီၤ.
၅ ဖဲန့ၣ်အခါ ကစၢ်ယွၤ ကတဲတၢ်ဒီးအဝဲသ့ၣ်လၢ တၢ်သးထီၣ်အပူၤဒီးမၤပျံၤအဝဲသ့ၣ်လၢ အတၢ်သူၣ်ဒိၣ်သးဖျိးအပူၤလီၤ.
၆ အကတဲဝဲလၢ “ယပာ်ထီၣ် စီၤပၤလၢ+ယကစၢၢ်စီဆှံ စံယိၣ်+ အဖီခိၣ်လံ.”
၇ ယကတဲဖျါထီၣ် တၢ်လၢယဟိဝၤယွၤ တဲဝဲလီၤ.
အဝဲတဲယၤလၢ “နမ့ၢ်ယဖိခွါ+ဒီးတနံၤညါအံၤ ယကဲထီၣ်နပၢ်လံ.+
၈ ဃ့ယၤ ဒီးယကဟ့ၣ်နၤ ပှၤကလုာ်တဖၣ် ဒ်နတၢ်န့ၢ်သါအသိးဒီးဟီၣ်ခိၣ်ဒီတဖျၢၣ် ဒ်နတၢ်စုလီၢ်ခီၣ်ခိၣ် အသိးလီၤ.+
၉ နကတီၢ်ကၢ် ပှၤကလုာ်တဖၣ် လၢနီၣ်ထိးဘိထး+ဒီးနကမၤသ့ၣ်ဖးအဝဲသ့ၣ် ဒ်သပၢၤဟီၣ်ခိၣ် အသိးလီၤ.”+
၁၀ သုဝဲစီၤပၤသ့ၣ်ဧၢ, ပာ်ဖျါထီၣ် သုတၢ်သူၣ်ဆးသးဆးတက့ၢ်.
ဒီးသုဝဲလၢ အစံၣ်ညီၣ်တၢ်လၢ ဟီၣ်ခိၣ်ချၢသ့ၣ်ဧၢ, တူၢ်လိာ် တၢ်ဟ့ၣ်ပလီၢ်တက့ၢ်.
၁၁ မၤယဟိဝၤယွၤ အတၢ်မၤလၢ တၢ်ပျံၤယွၤအပူၤ,ဒီးသူၣ်ခုသးခု ဒီးကနိးကစုာ်လၢ အမဲာ်ညါတက့ၢ်.
၁၂ ယူးယီၣ်ဖိခွါတက့ၢ်,+ မ့တမ့ၢ်ဘၣ်န့ၣ် ကစၢ်ယွၤ ကသးဒိၣ်ထီၣ်တၢ်,မ့ၢ်လၢ အသးထီၣ်တၢ် သတူၢ်ကလာ်သ့ဝဲအဃိသုကသံကွံာ်လီၤ.+
ပှၤလၢ အသန့ၤအသးလၢယွၤန့ၣ် ကသးခုဝဲ ကိးဂၤဒဲးလီၤ.
