စံးထီၣ်ပတြၢၤ ၆:၁-၁၀
လၢတၢ်သူၣ်ဝံၣ်သးဆၢအခိၣ်အဂီၢ်, ဒ့အီၤဃုာ်ဒီးသီတူၢ် ဒ်ၡမံနံး* အသီၣ်အိၣ်ဝဲ အသိး. စီၤဒၤဝံးအထါ.
၆ အိ ယဟိဝၤယွၤဧၢ, တဘၣ်သိၣ်က့ၤယၤလၢ တၢ်သးထီၣ် အပူၤတဂ့ၤ.
ဒီးတဘၣ် ဘှီဘၣ်ထီၣ်က့ၤယၤလၢ တၢ်သးဒိၣ်ထီၣ်အပူၤတဂ့ၤ.+
၂ အိ ယဟိဝၤယွၤဧၢ, ယဂံၢ်ယဘါလီၤစၢ်လံ အဃိ သးကညီၤယၤတက့ၢ်.
အိ ယဟိဝၤယွၤဧၢ, ယပျံၤတၢ်တုၤလၢ ယဃံကနိးလံ အဃိ ဟ့ၣ်ယၤတၢ်ဂံၢ်တၢ်ဘါတက့ၢ်.+
၃ ယသးဘၣ်တံာ်တာ်ဒိၣ်မး+အဃိ ယဟိဝၤယွၤဧၢ, ယကသံကွၢ်နၤလၢ နကအိၣ်ခိး ယံာ်ဒံးထဲလဲၣ်.+
၄ အိ ယဟိဝၤယွၤဧၢ, ဟဲမၤပူၤဖျဲး ယၤတက့ၢ်.+
ခီဖျိလၢ နတၢ်အဲၣ်လၢအတီအဃိ အုၣ်က့ၤခီၣ်က့ၤယၤတက့ၢ်.+
၅ ပှၤသံန့ၣ် တယၢၤထီၣ်* နၤဘၣ်ဒီးလၢတၢ်သွၣ်ခိၣ်န့ၣ်* မတဂၤ ကစံးထီၣ်ပတြၢၤနၤလဲၣ်.+
၆ ယသးအုးတုၤလၢ ယလီၤဘှံး လၢာ်လံ,+ယဘၣ်ဟီၣ်ဒီတနၤကျၢၤအဃိ ယလီၢ်မံဘၣ်စီၣ်လၢ ယမဲာ်ထံမဲာ်နိလၢာ်လံ.
ဒီးခီဖျိလၢ ယဟီၣ်အဃိ ယလီၢ်ဆ့ၣ်နီၤကပုာ် ဘၣ်စီၣ်ဒီဖျၢၣ်ညါလံ.+
၇ လၢယတၢ်သူၣ်အုးသးအုးအဃိ ယမဲာ်ချံ အဂံၢ်စၢ်လီၤဝဲ+ဒီးလၢယဒုၣ်ယဒါတဖၣ်အဃိ ယမဲာ်ချံကဒုထီၣ်လံ.
၈ ပှၤလၢအမၤ တၢ်အၢတၢ်သီသ့ၣ်ဧၢ, ဟးယံၤကွံာ်ဒီးယၤတက့ၢ်.
ယတၢ်ဟီၣ်တၢ်ယၢၤန့ၣ် ယဟိဝၤယွၤ ကနၢ်ဟူဝဲလီၤ.+
၉ ယတၢ်ဃ့ကညးလၢ တၢ်သးကညီၤအဂီၢ်န့ၣ် ယဟိဝၤယွၤ ကနၢ်ဟူဝဲ+ဒီးယတၢ်ဃ့ထုကဖၣ်န့ၣ် ယဟိဝၤယွၤ ကတူၢ်လိာ်ဝဲလီၤ.
၁၀ မ့မ့ၢ် ယဒုၣ်ယဒါခဲလၢာ်န့ၣ် ကမဲာ်ဆှး ဒီးပျံၤတၢ်ဖုးတၢ်လီၤ.
လၢတၢ်မဲာ်ဆှးအပူၤ အဝဲသ့ၣ် ကဂုၤက့ၤအလီၢ်ခံ သတူၢ်ကလာ်လီၤ.+
တၢ်ဂ့ၢ်အဘျဲၣ်တဖၣ်
^ ကွၢ် တၢ်ကတိၤအခီပညီ.
^ လၢဧ့ၤဘြံၤကျိာ် မ့ၢ်ဝဲ “ၡံအိ(လ်).” ကွၢ် တၢ်ကတိၤအခီပညီ.
^ မ့ၢ်စ့ၢ်ကီး “သ့ၣ်နီၣ်ထီၣ်.”
