စံးထီၣ်ပတြၢၤ ၉၁:၁-၁၆
၉၁ ပှၤတဂၤဂ့ၤတဂၤဂ့ၤလၢ အအိၣ်လၢ တၢ်ထီကတၢၢ်တဂၤ အတၢ်ခူသူၣ်အလီၢ်န့ၣ်+
ကအိၣ်ဘၣ်လၢ သ့တၢ်လၢာ်ကစၢ် အကဒုဖီလာ်လီၤ.+
၂ ယကတဲ ယဟိဝၤယွၤလၢ “နမ့ၢ်ယကစၢ်ယွၤလၢ ယနာ်န့ၢ်အီၤ,+နမ့ၢ် ယတၢ်ပူၤဖျဲးအလီၢ် ဒီးယတၢ်အိၣ်သဒၢအလီၢ်လီၤ.”+
၃ ကစၢ်ယွၤ ကမၤပူၤဖျဲးနၤလၢ ပှၤဖီၣ်ထိၣ်ဖိ အပျံၤသကွီၤ*ဒီးလၢတၢ်ဆါသံသတြိာ် လၢအမၤဟးဂီၤတၢ်လီၤ.
၄ အဝဲကကးဘၢနၤလၢ အဒံးဆ့တဖၣ်ဒီးနကအိၣ်သဒၢလၢ အဒံးဆ့အဖီလာ်လီၤ.+
အတၢ်သးတီန့ၣ်+ ကလီၤဂာ်ဒ်သိးဒီး ကတီၤဖးဒိၣ်တဘ့ၣ်+ ဒီးတၢ်ဒူၣ်လၢ အဒီသဒၢနၤလီၤ.
၅ အဃိ တမ့ၢ်လၢ နကပျံၤ တၢ်လၢအလီၤပျံၤလီၤဖုးတဖၣ်လၢ မုၢ်နၤခီမ့ၢ်ဂ့ၤ,+ပျၢ်ဘိတဖၣ်လၢ အယူၤလၢ မုၢ်ဆါခီမ့ၢ်ဂ့ၤ,+
၆ တၢ်ဆါသံသတြိာ်လၢ အလဲၤတၢ်လၢ တၢ်ခံးကျါမ့ၢ်ဂ့ၤဒီးတၢ်မၤဟးဂီၤတဖၣ်လၢ အဟဲကဲထီၣ်သးလၢ မုၢ်ထူၣ်မ့ၢ်ဂ့ၤန့ၣ်ဘၣ်.
၇ ပှၤတကထိ ကလီၤဃံၢ်လၢ နကပၤဒီးပှၤတကလး ကလီၤဃံၢ်လၢ နစုထွဲဘၣ်ဆၣ် မ့မ့ၢ်နၤန့ၣ် နတဘၣ်တၢ်နီတမံၤဘၣ်.+
၈ ပှၤအၢပှၤသီတဖၣ် ကဘၣ်တၢ်သိၣ်ဃီၣ်အီၤဒီးမ့မ့ၢ်နၤန့ၣ် အိၣ်ဒၣ်ထဲနကကွၢ်စိ ဒီးထံၣ်ဘၣ်လၢ နမဲာ်လီၤ.
၉ မ့ၢ်လၢနတဲလၢ “ယဟိဝၤယွၤ မ့ၢ်နတၢ်ပူၤဖျဲးအလီၢ်” အဃိမ့ၢ်ဒၣ်နဒုးကဲထီၣ် တၢ်ထီကတၢၢ်တဂၤလၢ နတၢ်အိၣ်တၢ်ဆိးအလီၢ်လီၤ.*+
၁၀ တၢ်ကီတၢ်ခဲ တလီၤဘၣ်နၤဘၣ်+ဒီးတၢ်နးတၢ်ဖှီၣ် တဟဲလီၤဘၣ် ပှၤလၢအအိၣ်လၢ နဒဲပူၤဘၣ်,
၁၁ မ့ၢ်လၢ အဝဲကမၤလိာ် အမူခိၣ်ကလူးတဖၣ်လၢ+ ကဟဲမၤစၢၤနၤဒီးကဒီသဒၢနၤ ဖဲနလဲၤတပူၤဂ့ၤ တပူၤဂ့ၤန့ၣ်လီၤ.+
၁၂ အဝဲသ့ၣ် ကစိာ်နၤလၢအစု+ဒ်သိး နခီၣ်သုတဘၣ်ထံးဒီး လၢၢ်တဂ့ၤအဂီၢ်လီၤ.+
၁၃ နကယီၢ် ခ့ယုၢ်ဖိ ဒီးဂုၢ်သီဒီးနကယီၢ်တံၢ် ခ့ယုၢ် ဒီးဂုၢ်ဖးဒိၣ်လီၤ.+
၁၄ ကစၢ်ယွၤ တဲဝဲလၢ “မ့ၢ်လၢအအဲၣ်ယၤအဃိ ယကမၤပူၤဖျဲးအီၤ+ဒီးခီဖျိလၢ အသ့ၣ်ညါယမံၤအဃိ ယကဒီသဒၢအီၤ.+
၁၅ အဝဲကကိးထီၣ်ယၤ ဒီးယကစံးဆၢအီၤ.+
ဖဲအဝဲ ဘၣ်ကိၢ်ဘၣ်ဂီၤအခါ ယကအိၣ်ဒီးအီၤ.+
ဒီးယကမၤပူၤဖျဲးအီၤ ဒီးဟ့ၣ်အီၤ တၢ်လၤကပီၤ.
၁၆ ယကဒုး သူၣ်မံသးမုာ်အီၤ ခီဖျိ ထုးထီထီၣ် အသးသမူ+ဒီးယကဒုးထံၣ်အီၤလၢ ယတၢ်အုၣ်က့ၤခီၣ်က့ၤလီၤ.”+
