မးသဲ ၁:၁-၂၅
၁ လံာ်အံၤပာ်ဖျါထီၣ်ဝဲ ယ့ၣ်ၡူးခရံာ်* အဂ့ၢ်လီၤ. အဝဲဟဲလီၤစၢၤလီၤသွဲၣ်လၢ စီၤဒၤဝံး+ ဒီးစီၤအၤဘြၤဟၣ်လီၤ.+
၂ စီၤအၤဘြၤဟၣ် အဖိခွါမ့ၢ်ဝဲ စီၤအံၤစဲး+ဒီးစီၤအံၤစဲး အဖိခွါမ့ၢ်ဝဲ စီၤယၤကိာ်+ဒီးစီၤယၤကိာ် အဖိခွါမ့ၢ်ဝဲ စီၤယူဒၤ+ ဒီးအဒီပုၢ်ဝဲၢ်ခွါတဖၣ်လီၤ.
၃ စီၤယူဒၤဒီးနီၢ်တၤမၢ် အဖိခွါမ့ၢ်ဝဲ စီၤဖ့ၤရ့း ဒီးစီၤစ့ရၤလီၤ.+
ဒီးစီၤဖ့ၤရ့း အဖိခွါမ့ၢ်ဝဲ စီၤဃ့ၤစရိၣ်+ဒီးစီၤဃ့ၤစရိၣ် အဖိခွါမ့ၢ်ဝဲ စီၤအ့ရၣ်လီၤ.+
၄ စီၤအ့ရၣ် အဖိခွါမ့ၢ်ဝဲ စီၤဧးမံၤနဒးဒီးစီၤဧးမံၤနဒး အဖိခွါမ့ၢ်ဝဲ စီၤနးၡိၣ်+ဒီးစီၤနးၡိၣ် အဖိခွါမ့ၢ်ဝဲ စီၤစၤလမိၣ်လီၤ.
၅ စီၤစၤလမိၣ်ဒီးနီၢ်ရၤဃး+ အဖိခွါ မ့ၢ်ဝဲ စီၤဘိၤဧးလီၤ.
စီၤဘိၤဧးဒီးနီၢ်ရူၤသး+ အဖိခွါမ့ၢ်ဝဲ စီၤဧိၤဘ့းလီၤ.
စီၤဧိၤဘ့း အဖိခွါမ့ၢ်ဝဲ စီၤယံးၡဲလီၤ.+
၆ စီၤယံးၡဲ အဖိခွါမ့ၢ်ဝဲ စီၤပၤဒၤဝံးလီၤ.+
စီၤဒၤဝံးအဖိခွါ မ့ၢ်ဝဲစီၤၡလိၤမိၤ+ ဒီးစီၤၡလိၤမိၤအမိၢ်မ့ၢ်ဝဲ စီၤအူၤရံယၤအမါလီၤ.
၇ စီၤၡလိၤမိၤ အဖိခွါမ့ၢ်ဝဲ စီၤရဃၤဘၣ်+ဒီးစီၤရဃၤဘၣ် အဖိခွါမ့ၢ်ဝဲ စီၤအဘံယၤဒီးစီၤအဘံယၤ အဖိခွါမ့ၢ်ဝဲ စီၤအၤစါလီၤ.+
၈ စီၤအၤစါ အဖိခွါမ့ၢ်ဝဲ စီၤယဟိၤၡၤဖး+ဒီးစီၤယဟိၤၡၤဖး အဖိခွါမ့ၢ်ဝဲ စီၤယဟိရၣ်+ဒီးစီၤယဟိရၣ် အဖိခွါမ့ၢ်ဝဲ စီၤဧူးစံယၤလီၤ.
၉ စီၤဧူးစံယၤ အဖိခွါမ့ၢ်ဝဲ စီၤယိၤသၣ်+ဒီးစီၤယိၤသၣ် အဖိခွါမ့ၢ်ဝဲ စီၤအၤဃး+ဒီးစီၤအၤဃး အဖိခွါမ့ၢ်ဝဲ စီၤဃံးစကံယၤလီၤ.+
၁၀ စီၤဃံးစကံယၤ အဖိခွါမ့ၢ်ဝဲ စီၤမနၤၡ့ၤ+ဒီးစီၤမနၤၡ့ၤ အဖိခွါမ့ၢ်ဝဲ စီၤအၤမိၣ်+ဒီးစီၤအၤမိၣ် အဖိခွါမ့ၢ်ဝဲ စီၤယိၤၡံယၤလီၤ.+
၁၁ ဖဲပှၤက့ၤဖီၣ် ပှၤယူဒၤဖိလၢ ဘၤဘူၤလိၣ်အခါ+ စီၤယိၤၡံယၤ+ ထီၣ်ဖိဝဲ စီၤယံးကၤနံယၤ+ ဒီးအဒီပုၢ်ဝဲၢ်ခွါတဖၣ်လီၤ.
၁၂ ပှၤက့ၤဖီၣ် ပှၤယူဒၤဖိလၢ ဘၤဘူၤလိၣ် ဝံၤအလီၢ်ခံ စီၤယံးကၤနံယၤ ထီၣ်ဖိဝဲ စီၤၡၤလတံၤအ့လးဒီးစီၤၡၤလတံၤအ့လး အဖိခွါမ့ၢ်ဝဲ စီၤစရူဘၤဘ့လးလီၤ.+
၁၃ စီၤစရူဘၤဘ့လး အဖိခွါမ့ၢ်ဝဲ စီၤအဘံဟူာ်ဒီးစီၤအဘံဟူာ် အဖိခွါမ့ၢ်ဝဲ စီၤအ့ၤလယါကံၣ်ဒီးစီၤအ့ၤလယါကံၣ် အဖိခွါမ့ၢ်ဝဲ စီၤဧၤစၢ်လီၤ.
၁၄ စီၤဧၤစၢ် အဖိခွါမ့ၢ်ဝဲ စီၤစၤဒိးဒီးစီၤစၤဒိး အဖိခွါမ့ၢ်ဝဲ စီၤအါဃံၣ်ဒီးစီၤအါဃံၣ် အဖိခွါမ့ၢ်ဝဲ စီၤအ့းလံအူာ်လီၤ.
၁၅ စီၤအ့းလံအူာ် အဖိခွါမ့ၢ်ဝဲ စီၤအလၤဧစၢ်ဒီးစီၤအလၤဧစၢ် အဖိခွါမ့ၢ်ဝဲ စီၤမးသၣ်ဒီးစီၤမးသၣ် အဖိခွါမ့ၢ်ဝဲ စီၤယၤကိာ်လီၤ.
၁၆ စီၤယၤကိာ် အဖိခွါမ့ၢ်ဝဲ စီၤယိၤသးလီၤ. စီၤယိၤသးအမါ မ့ၢ်ဝဲ နီၢ်မၤရံလၢ အအိၣ်ဖျဲၣ်ထီၣ် ယ့ၣ်ၡူးန့ၣ်လီၤ.+ ဒီးယ့ၣ်ၡူးန့ၣ် ဘၣ်တၢ်ကိးအီၤလၢ ခရံာ်လီၤ.+
၁၇ စးထီၣ်လၢ စီၤအၤဘြၤဟၣ် တုၤလီၤလၢ စီၤဒၤဝံးအစိၤန့ၣ် အိၣ်ဝဲ ၁၄ စိၤလီၤ. ဒီးစးထီၣ်လၢ စီၤဒၤဝံးအစိၤ တုၤလီၤလၢ ပှၤက့ၤဖီၣ် ပှၤယူဒၤဖိလၢ ဘၤဘူၤလိၣ်န့ၣ် အိၣ်ဝဲ ၁၄ စိၤလီၤ. ဒီးစးထီၣ်လၢ ပှၤက့ၤဖီၣ် ပှၤယူဒၤဖိလၢ ဘၤဘူၤလိၣ် တုၤလီၤလၢ ခရံာ်အစိၤန့ၣ် အိၣ်ဝဲ ၁၄ စိၤလီၤ.
၁၈ ယ့ၣ်ၡူးခရံာ် အိၣ်ဖျဲၣ်ထီၣ်ဝဲအဂ့ၢ်န့ၣ် အိၣ်ဝဲဒ်အံၤလီၤ. တၢ်အၢၣ်လီၤ အိၣ်ပာ်စၢၤလၢ အမိၢ်နီၢ်မၤရံန့ၣ် ကဖျီအသးဒီး စီၤယိၤသးလီၤ. ဘၣ်ဆၣ် တချုးလၢ နီၢ်မၤရံဖျီအသးဒီး စီၤယိၤသးဒံးဘၣ်န့ၣ် အဝဲဒၢထီၣ်ဝဲ ခီဖျိသးစီဆှံလီၤ.*+
၁၉ ဒီးအဝၤစီၤယိၤသးန့ၣ် မ့ၢ်ပှၤလၢ အတီအလိၤတဂၤအဃိ အဝဲတအဲၣ်ဒိး မၤမဲာ်ဆှး နီၢ်မၤရံလၢ ပှၤအါဂၤအမဲာ်ညါဘၣ်. အဃိ အဝဲပာ်လီၤအသးလၢ ကမၤလီၤဖး အသးဒီးအီၤလၢ တၢ်ခူသူၣ်အပူၤလီၤ.+
၂၀ ဖဲစီၤယိၤသး ဆိကမိၣ်ထီၣ်ဝဲ တၢ်ဂ့ၢ်တဖၣ်အံၤ ဝံၤအလီၢ်ခံ ယဟိဝၤယွၤ* အမူခိၣ်ကလူးတဂၤ လီၣ်ဖျါထီၣ်အသးလၢ အတၢ်မံမီၢ်အပူၤ ဒီးတဲဝဲလၢ “စီၤဒၤဝံး အဖိခွါစီၤယိၤသးဧၢ, နမါနီၢ်မၤရံ ဒၢထီၣ်ခီဖျိလၢ သးစီဆှံအဃိ+ တဘၣ်ဘၣ်ယိၣ်တၢ်လၢ နကက့ၤကိးအီၤ လၢနဟံၣ်တဂ့ၤ.
၂၁ အဝဲကအိၣ်ဖျဲၣ်ထီၣ် အဖိခွါတဂၤ ဒီးနဘၣ်ကိးန့ၢ်အမံၤလၢ ယ့ၣ်ၡူးလီၤ.*+ ယ့ၣ်ၡူးန့ၣ် ကမၤပူၤဖျဲးထီၣ်* အပှၤဂီၢ်မုၢ်တဖၣ်လၢ တၢ်ဒဲးဘးအပူၤလီၤ.”+
၂၂ တၢ်ကဲထီၣ်အသး တဖၣ်န့ၣ်ခဲလၢာ် မၤလၢပှဲၤထီၣ်ဝဲတၢ်လၢ ယဟိဝၤယွၤ တဲဆိပာ်ဝဲ ခီဖျိလၢအဝံလီၤ. အတဲဝဲလၢ
၂၃ “ပှၤမုၣ်ကနီၤတဂၤ ကဒၢထီၣ် ဒီးကအိၣ်ဖျဲၣ်ထီၣ် အဖိခွါတဂၤ ဒီးအဝဲသ့ၣ် ကကိးန့ၢ်ဝဲအမံၤလၢ ဧံးမၤနူၤအ့လးလီၤ.”+ မံၤအံၤအခီပညီမ့ၢ်ဝဲ “ကစၢ်ယွၤအိၣ်ဒီးပှၤလီၤ.”+
၂၄ စီၤယိၤသး မံပၢၢ်ထီၣ်ဒီး မၤဝဲဒ်ယဟိဝၤယွၤ အမူခိၣ်ကလူးတဂၤ တဲအီၤအသိး ဒီးက့ၤကိးဝဲ အမါလၢ အဟံၣ်လီၤ.
၂၅ ဘၣ်ဆၣ် တချုးလၢ ဖိသၣ်အံၤ အိၣ်ဖျဲၣ်ထီၣ်ဒံးဘၣ်န့ၣ်+ စီၤယိၤသးတမံဃုာ်ဒီးနီၢ်မၤရံဘၣ်. ဒီးစီၤယိၤသးကိးန့ၢ်ဝဲ ဖိသၣ်တဂၤန့ၣ် အမံၤလၢယ့ၣ်ၡူးလီၤ.+
တၢ်ဂ့ၢ်အဘျဲၣ်တဖၣ်
^ မ့ၢ်စ့ၢ်ကီး “မ့းၡံအၤ, ပှၤလၢဘၣ်တၢ်ဒိးဖှူအီၤ.”
^ မ့ၢ်စ့ၢ်ကီး “ကစၢ်ယွၤအစိအကမီၤ.”
^ လံာ်စီဆှံလၢ ကြံးကျိာ်တကတြူၢ်အပူၤန့ၣ် ယဟိဝၤယွၤအမံၤ အိၣ်ဝဲ ၂၃၇ ဘျီ. ဖဲလံာ်စီဆှံတဆၢအံၤအပူၤန့ၣ် မ့ၢ်ဝဲအဆိကတၢၢ်တဘျီ. ကွၢ် တၢ်ဂ့ၢ်ဘၣ်ထွဲလိာ်သး က၅.
^ မံၤအံၤလၢ ဧ့ၤဘြံၤကျိာ်န့ၣ် မ့ၢ်ဝဲ စီၤယ့ၤၡူ ဒီးစီၤယိၤၡူလၢ အခီပညီမ့ၢ်ဝဲ “ယဟိဝၤ မ့ၢ်တၢ်အုၣ်က့ၤခီၣ်က့ၤ.”
^ အခီပညီလိၤလိၤ “အုၣ်က့ၤခီၣ်က့ၤ.”
