ဟိၤၡ့ ၃:၁-၅
၃ ဒီးယဟိဝၤယွၤ တဲယၤလၢ “ဖဲပှၤအံၣ်စရ့လးဖိတဖၣ် ဃၣ်ကွံာ်အသးလၢ ယွၤအဂၤတဖၣ်အအိၣ်+ ဒီးလုၢ်ထီၣ် ကိၣ်စပံးသၣ်ဃ့တဖၣ်* မုာ်ဝဲအဆၢကတီၢ် ဒၣ်လဲာ် ယဟိဝၤယွၤ အဲၣ်အဝဲသ့ၣ်ဒံးလီၤ.+ ဒ်န့ၣ်အသိး က့ၤအဲၣ်ကဒါက့ၤ နမါလၢ အဟးအဲၣ်ဘၢနၤ လၢပှၤပိာ်ခွါအဂၤအဲၣ်အီၤ တဂၤန့ၣ်တက့ၢ်.”+
၂ အဃိ ယပှ့ၤက့ၤအီၤလၢ စ့ညၣ် ၁၅ ဘ့ၣ် ဒီးဘုမုယီၤ တဃိမ့ၢ်* ဒီးတဝာ်လီၤ.
၃ ဒီးယတဲအီၤလၢ “နကဘၣ်ကဲယတၢ် အါနံၤအါသီဒံးလီၤ. နတဘၣ် ဆါလီၤအီၣ်နသးဘၣ်.* ဒီးနတဘၣ်မံဃုာ်ဒီး ပှၤပိာ်ခွါအဂၤတဂၤဘၣ်. ဒီးယၤစ့ၢ်ကီး ယတမံဃုာ်ဒီးနၤဘၣ်.”
၄ တၢ်ကမၤအသးဒ်န့ၣ် မ့ၢ်လၢ ခါဆူညါန့ၣ် ပှၤအံၣ်စရ့လးဖိတဖၣ် တအိၣ်ဒီး အစီၤပၤ,+ အပဒိၣ်ဖးဒိၣ်, တၢ်လုၢ်တၢ်ပာ်, လၢၢ်ထူၣ်စီဆှံ, အ့ဖိး+ ဒီးတရၤဖး*+ တၢ်ဂီၤတၢ်ဖှီၣ်တဖၣ်လၢၤဘၣ် န့ၣ်ကအိၣ် ဖးယံာ်ညါလီၤ.
၅ ဒီးလၢခံ ပှၤအံၣ်စရ့လးဖိတဖၣ် ကဟဲက့ၤကဒါက့ၤ ဒီးဃုက့ၤအဝဲသ့ၣ် အကစၢ် ယဟိဝၤယွၤ+ ဒီးအဝဲသ့ၣ် အစီၤပၤဒၤဝံးလီၤ.+ ဒီးဖဲမုၢ်နံၤလၢခံတဖၣ် အတီၢ်ပူၤ အဝဲသ့ၣ် ကဟဲက့ၤကဒါက့ၤ လၢယဟိဝၤယွၤအအိၣ် လၢတၢ်ကနိးကစုာ်အပူၤ ဒ်သိးကဃုက့ၤ အတၢ်ဆိၣ်ဂ့ၤအဂီၢ်လီၤ.+
တၢ်ဂ့ၢ်အဘျဲၣ်တဖၣ်
^ မ့ၢ်ဝဲ ကိၣ်စပံးသၣ်ဃ့တဖၣ်လၢ အဘၣ်တၢ်သူအီၤလၢ တၢ်ဘူၣ်တၢ်ဘါကမၣ်အဂီၢ်.
^ ကွၢ် တၢ်ဂ့ၢ်ဘၣ်ထွဲလိာ်သး ခ၁၄.
^ မ့ၢ်စ့ၢ်ကီး “မၤကမၣ်မုၣ်ကမၣ်ခွါ.”
^ မ့ၢ်စ့ၢ်ကီး “ဟံၣ်ဖိဃီဖိအယွၤတဖၣ်.”
