၁ ယိၤဟၣ် ၄:၁-၂၁
၄ ဒီပုၢ်ဝဲၢ်သးဘိသ့ၣ်ဧၢ, တၢ်သိၣ်လိတဖၣ်လၢ အဖျါလၢ အဟဲလၢ ကစၢ်ယွၤအအိၣ်န့ၣ် တဘၣ်နာ်အီၤ ကိးမံၤဒဲးတဂ့ၤ.+ တၢ်သိၣ်လိတဖၣ်အံၤ မ့ၢ်အဟဲလၢ ကစၢ်ယွၤအအိၣ် အနီၢ်ကီၢ်ဧါန့ၣ်+ မၤကွၢ်အီၤတက့ၢ်. ဝံအဘျၣ်အိၣ်ထီၣ်လၢ ဟီၣ်ခိၣ်ချၢအါဂၤလံ.+
၂ သုကသ့ၣ်ညါလၢ တၢ်သိၣ်လိတခါခါ ဟဲလၢကစၢ်ယွၤအအိၣ် ခီဖျိလၢတၢ်ဂ့ၢ်လၢ လာ်အံၤလီၤ. တၢ်သိၣ်လိကိးခါဒဲးလၢ အအၢၣ်လီၤတူၢ်လိာ်လၢ ယ့ၣ်ၡူးခရံာ်ဟဲ ဒ်ပှၤဟီၣ်ခိၣ်ဖိအသိးန့ၣ် မ့ၢ်ဝဲတၢ်သိၣ်လိ လၢအဟဲလၢ ကစၢ်ယွၤအအိၣ်လီၤ.+
၃ ဘၣ်ဆၣ် တၢ်သိၣ်လိ ကိးခါဒဲးလၢ အတအၢၣ်လီၤတူၢ်လိာ် ယ့ၣ်ၡူးဘၣ်န့ၣ် အတဟဲလၢ ကစၢ်ယွၤအအိၣ်ဘၣ်.+ တကးဒံးဘၣ် တၢ်သိၣ်လိတဖၣ်အံၤ မ့ၢ်ဝဲ ပှၤတဂၤလၢ အထီဒါခရံာ် အတၢ်သိၣ်လိတဖၣ်လီၤ. သုနၢ်ဟူတ့ၢ်လၢ တၢ်သိၣ်လိတဖၣ်အံၤ ကဟဲအိၣ်ထီၣ်ဝဲ+ ဒီးခဲအံၤန့ၣ် အအိၣ်လၢ ဟီၣ်ခိၣ်ချၢလံ.+
၄ ဖိဆံးသ့ၣ်ဧၢ, သုဝဲသ့ၣ်အံၤ သုဘၣ်ဃးဒီး ကစၢ်ယွၤလီၤ.+ မ့ၢ်လၢ ကစၢ်ယွၤလၢ အဆီၣ်ထွဲသုန့ၣ်+ အဒိၣ်န့ၢ်ဒံး မုၣ်ကီၤလံၢ်လၢ အဆီၣ်ထွဲ ဟီၣ်ခိၣ်အဃိ သုမၤနၢၤ ဝံအဘျၣ်တဖၣ်လီၤ.+
၅ ဝံအဘျၣ်တဖၣ်အံၤ ဘၣ်ဃးဒီး ဟီၣ်ခိၣ်အဃိ+ အဝဲသ့ၣ်တဲတၢ်လၢ အဘၣ်ဃးဒီး ဟီၣ်ခိၣ်လီၤ. ဒီးဟီၣ်ခိၣ်န့ၣ် ဒိကနၣ်အဝဲသ့ၣ်လီၤ.+
၆ ပဝဲဒၣ်အံၤ ပဘၣ်ဃး ဒီးကစၢ်ယွၤလီၤ. ပှၤလၢအသ့ၣ်ညါ ကစၢ်ယွၤန့ၣ် ဒိကနၣ်ပကလုၢ်လီၤ.+ ပှၤလၢအတဘၣ်ဃးဒီး ကစၢ်ယွၤဘၣ်န့ၣ် တဒိကနၣ် ပကလုၢ်ဘၣ်.+ လၢတၢ်န့ၣ်အဃိ ပသ့ၣ်ညါနီၤဖး တၢ်သိၣ်လိ လၢအမ့ၢ်အတီ ဒီးတၢ်သိၣ်လိ လၢအကမၣ်လီၤ.+
၇ ဒီပုၢ်ဝဲၢ်သးဘိသ့ၣ်ဧၢ, မ်ပဆဲးအဲၣ်လိာ်ပသး တဂၤဒီးတဂၤ,+ မ့ၢ်လၢ တၢ်အဲၣ်န့ၣ် ဟဲလၢ ကစၢ်ယွၤအအိၣ်အဃိလီၤ. ပှၤကိးဂၤဒဲးလၢ အအဲၣ်တၢ်န့ၣ် မ့ၢ်ဝဲ ကစၢ်ယွၤအဖိတဖၣ် ဒီးသ့ၣ်ညါကစၢ်ယွၤလီၤ.+
၈ ကစၢ်ယွၤန့ၣ် မ့ၢ်တၢ်အဲၣ်တၢ်ကွံလီၤ.+ အဃိ ပှၤလၢအတအဲၣ်တၢ်ဘၣ်န့ၣ် တသ့ၣ်ညါကစၢ်ယွၤဘၣ်.
၉ ကစၢ်ယွၤ ပာ်ဖျါထီၣ်အတၢ်အဲၣ်လၢ ပဖီခိၣ် ခီဖျိလၢ ကစၢ်ယွၤဆှၢလီၤ အဖိခွါနီၢ်နီၢ် ထဲတဂၤဧိၤလၢ+ ဟီၣ်ခိၣ်ချၢဒ်သိး ပကဒိးန့ၢ်ဘၣ်တၢ်မူ ခီဖျိလၢ အဝဲဒၣ်အဃိလီၤ.+
၁၀ တၢ်အဲၣ်အံၤမ့ၢ်ဝဲ ကစၢ်ယွၤ ဆှၢလီၤအဖိခွါဒ် တၢ်လုၢ်တၢ်ပာ်လၢ+ ပတၢ်ဒဲးဘးအဂီၢ်+ လၢအကဒုးအိၣ်ဃူအိၣ်ဖိး ပှၤဒီးကစၢ်ယွၤလီၤ. ကစၢ်ယွၤ မၤဝဲဒ်အံၤန့ၣ် မ့ၢ်လၢအအဲၣ်ပှၤ ဒီးတမ့ၢ်လၢ ပအဲၣ်အီၤအဃိဘၣ်.
၁၁ ဒီပုၢ်ဝဲၢ်သးဘိသ့ၣ်ဧၢ, ကစၢ်ယွၤ မ့ၢ်အဲၣ်ပှၤဒ်အံၤန့ၣ် ပဝဲသ့ၣ်တဖၣ် ပအိၣ်ဒီးမူဒါလၢ ပကအဲၣ်လိာ်ကွံလိာ်ပသး တဂၤဒီးတဂၤလီၤ.+
၁၂ ပှၤတဂၤမး တထံၣ်ဘၣ် ကစၢ်ယွၤ နီတဘျီဘၣ်.+ ပမ့ၢ်ဆဲးအဲၣ်လိာ်ကွံလိာ်ပသး တဂၤဒီးတဂၤန့ၣ် ကစၢ်ယွၤ ကဆဲးအိၣ်ဒီးပှၤ ဒီးအတၢ်အဲၣ်န့ၣ် ကအိၣ်ပှဲၤလၢပပူၤလီၤ.+
၁၃ ပသ့ၣ်ညါလၢ ပဆဲးလဲၤတၢ်ဒီးအီၤ ဒီးအဝဲဆဲးလဲၤတၢ်ဒီးပှၤ ခီဖျိလၢ အဝဲဟ့ၣ်လီၤပှၤ အသးစီဆှံအဃိလီၤ.
၁၄ တကးဒံးဘၣ် ပဝဲသ့ၣ်တဖၣ် ပထံၣ်ဒီး ပအုၣ်ပသးလၢ ပၢ်န့ၣ်ဆှၢလီၤအဖိခွါဒ် တၢ်အုၣ်က့ၤခီၣ်က့ၤကစၢ် လၢဟီၣ်ခိၣ်အဂီၢ်လီၤ.+
၁၅ ပှၤတဂၤဂ့ၤတဂၤဂ့ၤ လၢအအၢၣ်လီၤတူၢ်လိာ်လၢ ယ့ၣ်ၡူးမ့ၢ် ကစၢ်ယွၤအဖိခွါန့ၣ်+ ကစၢ်ယွၤ ဆဲးလဲၤတၢ်ဒီးအီၤ ဒီးပှၤတဂၤအံၤ ကဆဲးလဲၤတၢ်ဒီး ကစၢ်ယွၤလီၤ.+
၁၆ ပသ့ၣ်ညါထီၣ် ဒီးပနာ်လၢကစၢ်ယွၤ အဲၣ်ပှၤလီၤ.+
ကစၢ်ယွၤန့ၣ် မ့ၢ်တၢ်အဲၣ်တၢ်ကွံလီၤ.+ ဒီးပှၤလၢ ဆဲးပာ်ဖျါထီၣ် တၢ်အဲၣ်တၢ်ကွံန့ၣ် ဆဲးလဲၤတၢ်ဒီး ကစၢ်ယွၤ ဒီးကစၢ်ယွၤ ဆဲးလဲၤတၢ်ဒီးအီၤလီၤ.+
၁၇ လၢတၢ်န့ၣ်အဃိ တၢ်အဲၣ်တၢ်ကွံ အိၣ်ပှဲၤလၢပပူၤ ဒ်သိးပတဲတၢ်လၢ တၢ်သးဒူအပူၤ ကဘူၣ်ဝဲဖဲ+ တၢ်စံၣ်ညီၣ်အမုၢ်နံၤ, မ့ၢ်လၢ ဒ်ခရံာ်အိၣ်ဝဲအသိး ပအိၣ်ဒ်န့ၣ်လၢ ဟီၣ်ခိၣ်ချၢအံၤ အဃိလီၤ.
၁၈ တၢ်ပျံၤတၢ်ဖုး ကဲထီၣ်တၢ်တြီမၤတံာ်တာ် လၢပဂီၢ်လီၤ. ပှၤလၢအအဲၣ် ကစၢ်ယွၤန့ၣ် တပျံၤတၢ်ဘၣ်,+ မ့ၢ်လၢ တၢ်အဲၣ်လၢ အလၢအပှဲၤန့ၣ် နီဟးထီၣ်ကွံာ် တၢ်ပျံၤတၢ်ဖုး အဃိလီၤ. ပှၤလၢအပျံၤတၢ်န့ၣ် တမ့ၢ်ပှၤလၢအအိၣ်ဒီး တၢ်အဲၣ်လၢ အလၢအပှဲၤဘၣ်.+
၁၉ ပအဲၣ်တၢ်န့ၣ် မ့ၢ်လၢ ကစၢ်ယွၤအဲၣ်ဆိပှၤအဃိလီၤ.+
၂၀ ပှၤတဂၤဂၤ မ့ၢ်တဲလၢ “ယအဲၣ်ကစၢ်ယွၤ” ဘၣ်ဆၣ် အဝဲမ့ၢ်သးဟ့ အဒီပုၢ်ဝဲၢ်န့ၣ် အမ့ၢ်ပှၤလၢ အလံၣ်တၢ်လီတၢ်လီၤ.+ ပှၤလၢအတအဲၣ် အဒီပုၢ်ဝဲၢ်လၢ+ အထံၣ်ဝဲန့ၣ် အအဲၣ်ကစၢ်ယွၤလၢ အထံၣ်ဝဲတသ့ဘၣ်တဂၤန့ၣ် ကသ့ဒ်လဲၣ်.+
၂၁ ဒီးအဝဲဟ့ၣ်လီၤပှၤ တၢ်မၤလိာ်တခါ လၢအမ့ၢ် ပှၤလၢအအဲၣ် ကစၢ်ယွၤန့ၣ် ကဘၣ်အဲၣ်စ့ၢ်ကီး အဒီပုၢ်ဝဲၢ်လီၤ.+
