ပာ်ဖျါထီၣ်တၢ်ကတိၤ အရ့ဒိၣ်တဖၣ်လၢလံာ်စီဆှံပူၤတက့ၢ်. ဖဲနဖးလံာ်စီဆှံဝံၤအလီၢ်ခံ, ပာ်ဖျါထီၣ်တၢ်ကတိၤလၢအရ့ဒိၣ်​ လၢအဘၣ်ထွဲလိာ်အသးဒီး တၢ်ဂ့ၢ်မိၢ်ပှၢ်တက့ၢ်. နမၤအီၤသ့ခီဖျိ နက့ၤယၢၤထီၣ်ကဒါက့ၤတၢ်ကတိၤ မ့တမ့ၢ် သံကွၢ်တၢ်သံကွၢ်ဒ်သိးနပှၤဒိကနၣ်တၢ်ဖိ ကသ့ၣ်ညါထီၣ်တၢ်ကတိၤလၢ အရ့ဒိၣ်လၢနအဲၣ်ဒိးတဲန့ၣ်တက့ၢ်.

မၤစၢၤနပှၤဒိကနၣ်တၢ်ဖိ ဒ်သိးတိၢ်နီၣ်ဝဲတၢ်ဂ့ၢ်ကန့ၢ်အဂီၢ်တက့ၢ်. နမ့ၢ်ပာ်လီၤသးလၢ နကဖးလံာ်စီဆှံတဆၢအံၤန့ၣ်​ ၡဲပၠးနပှၤဒိကနၣ်တၢ်ဖိလၢ လၢလံာ်စီဆှံတဆၢအံၤအပူၤ ဘၣ်မနုၤအဃိ တၢ်ကတိၤအံၤအရ့ဒိၣ်လဲၣ်.

တဲပၠးအီၤၡဲၡဲလၢ ကဘၣ်မၤထွဲဝဲဒ်လဲၣ်. တဘၣ်တဲတၢ်ဂ့ၢ်တၢ်ကျိၤလၢ အတဘၣ်ထွဲလိာ်သးဒီး တၢ်ဂ့ၢ်မိၢ်ပှၢ်န့ၣ်တဂ့ၤ. နမ့ၢ်သ့ၣ်ညါလၢ နပှၤဒိကနၣ်တၢ်ဖိတဖၣ်သ့ၣ်ညါပာ်စၢၤဝဲတၢ်ဂ့ၢ်ထဲလဲၣ်န့ၣ်​ ဒ်သိးအဝဲကနၢ်ပၢၢ်ဝဲ တၢ်လၢအဘၣ်မၤထွဲဝဲတဖၣ်အဂီၢ် နကဘၣ်တဲအါထီၣ်အီၤတၢ်ဂ့ၢ်ထဲလဲၣ်န့ၣ်​ နဆၢတဲာ်အီၤကညီဝဲလီၤ.