ပှၤ​အံၣ်စရ့လး​ဖိ​တဖၣ်​ ဃ့​န့ၢ်​ဆူၣ်​ဝဲ စီၤပၤ​တဂၤ (၁ မူၤ. ၈:၄, ၅; it-2 ၁၆၃ ¶၁)

ပှၤ​အံၣ်စရ့လး​ဖိ​တဖၣ်​ အိၣ်ဒီး​စီၤပၤ​လၢ​အမ့ၢ် ယဟိဝၤ​ယွၤ လၢ​အ​ထံၣ်​ဝဲ​လၢ​အမဲာ်​တ​သ့​ဘၣ်​ သနာ်က့ အဝဲသ့ၣ်​ တအိၣ်​ဒီး တၢ်​သူၣ်မံ​သးမံ​ဘၣ်​ (၁ မူၤ. ၈:၇, ၈; တၢး​၁၁ ၁/၁ ၂၇ ¶၁)

ယဟိဝၤ​ယွၤ ဟ့ၣ်ပလီၢ် ပှၤ​အံၣ်စရ့လး​ဖိ​တဖၣ်​လၢ အဝဲသ့ၣ်​မ့ၢ်​အိၣ်ဒီး ပှၤ​ဟီၣ်ခိၣ်​ဖိ အစီၤပၤ​န့ၣ်​ က​ထံၣ်​ဘၣ်​ဒီး တၢ်ကီ​တၢ်ခဲ​တဖၣ်​ (၁ မူၤ. ၈:၉, ၁၈; တၢး​၁၀ ၁/၁၅ ၃၀ ¶၉)

ယဟိဝၤ​ယွၤ အိၣ်ဒီး​တၢ်ခွဲး​တၢ်ယာ်​လၢ​က​ပၢဝဲ အ​တၢ်​ဘၣ်​တ့​ခဲလၢာ်. အ​ဝဲ​ပာ်ဖျါ​ထီၣ်​ တၢ်​သးကညီၤ ဒီး​တၢ်​သူၣ်အိၣ်​သးအိၣ်​လၢ ပှၤလၢ​အ​ဒိးပၢ​အသး​လၢ အ​တၢ်ပၢ​ဖီလာ်​တဖၣ်​လီၤ. ပ​မ့ၢ်​ဒိကနၣ်​ ဒီး​ဆီၣ်ထွဲ​မၤစၢၤ အ​တၢ်ပၢ​န့ၣ်​ ပ​က​ဒိးန့ၢ်​ဘၣ်​ တၢ်​ဆိၣ်ဂ့ၤ​လီၤထူ​လီၤယိာ်​လီၤ.

သံကွၢ်​လီၤ​န​သး​လၢ– ‘ယ​တူၢ်လိာ် ယဟိဝၤ​ယွၤ အ​တၢ်ပၢ​န့ၣ်​ ယ​ပာ်ဖျါ​ထီၣ်​လၢ ယတၢ်​အိၣ်မူ​ပူၤ​က​သ့​ဒ်လဲၣ်.’