စီၤ​ၡမူၤအ့လး တီ​ဒီး​ယဟိဝၤ​ယွၤ လၢ​အ​တၢ်​အိၣ်မူ​ဒီ​တစိၤ. အ​ဝဲ​မ့ၢ်​ဖိသၣ်​တဂၤ သနာ်က့ တ​လီၤဂာ်​ဒီး စီၤဧ့လံၤ​အ​ဖိခွါ စီၤ​ဃ​ဖံ​နၤ ဒီး​စီၤ​ဖံၤနဃၣ်​ လၢ​အ​လုၢ်လၢ်​သကဲာ်ပဝး​တဂ့ၤ​န့ၣ်​ဘၣ်. (၁ မူၤ. ၂:၂၂-၂၆) စီၤ​ၡမူၤအ့လး ဒိၣ်ထီၣ်​ဝဲ ဒီး​ယဟိဝၤ​ယွၤ ဆဲး​အိၣ်ဒီး​အီၤ. (၁ မူၤ. ၃:၁၉) ဖဲ​စီၤ​ၡမူၤအ့လး အ​သးပှၢ်​ထီၣ်​အခါ အ​ဖိခွါ​တဖၣ်​ တ​မၤ​ယဟိဝၤ​ယွၤ​အ​တၢ်မၤ သနာ်က့ အ​ဝဲ​ဆဲး​မၤ ယဟိဝၤ​ယွၤ အ​တၢ်မၤ​လၢ​တၢ်​သးတီ​အ​ပူၤ​လီၤ. —၁ မူၤ. ၈:၁-၅.

စီၤ​ၡမူၤအ့လး အဒိ​အတဲာ်​န့ၣ်​ သိၣ်လိ​ပှၤ​တၢ်မနုၤ​လဲၣ်. န​မ့မ့ၢ် ပှၤ​သးစၢ်​တဂၤ​န့ၣ်​ န​နာ်​သ့​သပှၢ်​ကတၢၢ်​လၢ ယဟိဝၤ​ယွၤ နၢ်ပၢၢ်​န​တၢ်ကီ​တၢ်ခဲ ဒီး​န​တၢ်​တူၢ်​ဘၣ်​တဖၣ်​ ဒီး​အ​ဝဲ​မၤစၢၤ​နၤ​လၢ န​ကအိၣ်​ဒီး တၢ်​သးဒူ​အဂီၢ်​သ့​လီၤ. (ၡါ. ၄၁:၁၀, ၁၃) န​မ့မ့ၢ် မိၢ်ပၢ်​လၢ အိၣ်ဒီး​အ​ဖိ​တဖၣ်​လၢ တ​မၤ​ယဟိဝၤ​ယွၤ အ​တၢ်မၤ​လၢၤ​ဘၣ်​န့ၣ်​ န​အိၣ်ဒီး​တၢ်​သူၣ်မံ​သးမုာ်​သ့​လီၤ. မ့ၢ်လၢ​န​သ့ၣ်ညါ​လၢ စီၤ​ၡမူၤအ့လး စ့ၢ်ကီး တ​မၢဆူၣ်​အ​ဖိ​တဖၣ်​လၢ က​အိၣ်မူ​ဒ် ယဟိဝၤ​ယွၤ အ​တၢ်သိၣ်​တၢ်သီ​အသိး​ဘၣ်. အ​ဝဲ​အး​လီၤ အ​တၢ်ကီ​တၢ်ခဲ​တဖၣ်​လၢ ယဟိဝၤ​ယွၤ​အ​စု​ပူၤ, ဆဲး​အိၣ်ဒီး​တၢ်​သးတီ ဒီး​ဆဲး​မၤ​သးခု အပၢ်​အိၣ်​လၢ မူခိၣ်​ယဟိဝၤ​ယွၤ​အသး​လီၤ. ​ဘၣ်​သ့ၣ်​သ့ၣ်​ န​ဒိဂ့ၤ​တဲာ်​ဘၣ်​န့ၣ်​ က​မၤစၢၤ​န​ဖိ​တဖၣ်​လၢ က​ဟဲက့ၤ​ကဒါက့ၤ​ဆူ ယဟိဝၤ​ယွၤ​အ​အိၣ်​လီၤ.

ကွၢ်​တၢ်ဂီၤမူ​လၢ​အမ့ၢ် မၤလိ​န့ၢ်​တၢ်​လၢ​အဝဲသ့ၣ်​အိၣ်—စီၤ​ၡမူၤအ့လး ဒီး​စံးဆၢ​တၢ်​သံကွၢ်​လၢ လာ်​တဖၣ်​အံၤ–

• စီၤ​ၡမူၤအ့လး မ့ၢ်​ဖိသၣ်​တဂၤ သနာ်က့ ပာ်ဖျါ​ထီၣ်​ တၢ်​သူၣ်ဒူ​သးဒူ​ဒ်လဲၣ်.

• ဒဲနံၤ ပာ်ဖျါ​ထီၣ်​ တၢ်​သူၣ်ဒူ​သးဒူ​ဒ်လဲၣ်.

• ဖဲ​စီၤ​ၡမူၤအ့လး အ​သးပှၢ်​ထီၣ်​အခါ အ​ဝဲ​ပာ်လီၤ ဒိဂ့ၤ​တဲာ်​ဘၣ်​ဒ်လဲၣ်.

• ဒဲနံၤ အမိၢ်​အပၢ်​တဖၣ်​ ပာ်​လီၤ​ဒိဂ့ၤ​တဲာ်​ဘၣ်​ဒ်လဲၣ်.