Nge kesepela kubaka mambote mingi na ndongokolo na nge mosi ya Biblia? Makanisi yayi lenda sadisa nge samu nge tula makanisi na ndongokolo na nge:

• Pona kisika ya mbote. Kana dikoki kele, sosa kisika yina kele ya bunkete mpe yina mebonga. Nge lenda vuanda na biro to na meza na yinzo, to nge lenda pona kisika yina mebonga na nganda ya yinzo.

• Sosa kisika yina nge lenda vuanda nge mosi. Yesu vuandaka pona kusambila “na sunkasunka” na “kisika yina bantu vuandaka ve.” (Mrk. 1:35) Kana kisika yina nge lenda vuanda nge mosi kele ve, nge lenda tubila dibuta to bankundi na nge ya yinzo ti nge kena kulonguka mpe lomba bau babika tungisa nge.

• Tula makanisi na ndongokolo na nge. Manga mambu yina kekatulaka dikebi. Kana nge kena kusadila telefone to tableti samu na ndongokolo, tula yau na silanse to na mode avion samu yabika zenga ndongokolo na nge. Mpe kana nge mekanisa na diambu mosi yina nge fueti sala, sonika yau pembeni samu nge sala yau ata na manima. Kana nge mebanda kumona ti nge kena kukoka diaka ve kutula makanisi na nge kisika mosi, sala mua poze samu na kutambula to kusala mua ngalasisi.