LUZINGU YA BAKLISTO
Sadilaka paje ya kukota ya JW.ORG na kisalu ya kusamuna
Paje ya kukota ya site na beto kele na masolo mpe bavideo yina mesalamaka samu yasepedisa bantu yina kele ve Bambangi ya Yehova kasi bakesepelaka na kedika. (Bis 13:48) Mbala mingi yaketubilaka masolo ya mambu yina kena kusalama to mambu yina bantu kena kukanisa mpe kena kutubila.
Yinki mutindu nge lenda sadila paje ya kukota na kisalu ya kusamuna?
-
Kotaka na site na beto mbala na mbala. Sonikaka masolo yina bamekatuka tula bosi, mpe tala mutindu nge lenda sadila yau samu na kusadisa muntu yina mesepela. (Samu na kumona masolo yankaka yina mekatuka kubima bosi na paje ya kukota, niema kisika bamesonika “Tala mambu yankaka.”) Kukota mbala na mbala na site kesadisa nge samu nge baka makanisi ya yimpa ya kusadila na kisalu ya kusamuna.
-
Sadilaka masolo mpe bavideo yina bametula na paje ya kukota samu na kubanda masolo. Masolo mpe bavideo yango lenda pesa beto makanisi samu na mambu yina bantu ya terituare na beto lenda kanisa.
-
Monisaka bantu paje ya kukota. Bulaka nsoso na masolo ya mfunu, mpe monisa muntu yango mutindu ya kukota na site na beto.
-
Tindilaka bantu balien. Bantu yankaka kezolaka ve kusolola na beto kana beto mekuenda tala bau, kasi bakevuandaka pene ya kukota na site na beto. Na yau kukakatana ve kutindila bantu yina kesepela lien yina kenata bau na paje ya kukota to na disolo mosi to video mosi ya mfunu yina kele kuna.
