Kumontese to kukitisa ndinga. Montese ndinga samu na kudiata makanisi ya ngudi mpe samu na kupesa bantu yina kena kuwa nge nsatu ya kusadila mambu yina nge kena kulonga. Sala kaka mutindu yina ntangu nge kena kutanga baverse yina kena kutubila bansambusulu. Kitisa ndinga na nge samu na kupesa bantu yina kena kuwa nge nsatu ya kuwa mambu yina kelanda to samu na kumonisa kubanga to kutungisama.

Kutuba mua ngolo to na mua yinsi. Kana bantu kemonaka yau yimbi ve na ndinga na beno, tuba mua ngolo samu na kumonisa kiese to samu na kutubila nene to yinda ya kima mosi. Tuba na mua yinsi samu na kumonisa kiadi to kukitungisa.

Kutuba mua nzunzu to mua malembe. Tuba mua nzunzu samu na kubimisa banguilu ya kiese. Tuba mua malembe ntangu nge zola banda kutubila makanisi ya mfunu.