Na kilumbu ya 24 Mai 2022, diambu mosi ya somo salamaka na mua mbanza mosi na kizunga ya Texas, na États-Unis. Zulunalo mosi (The New York Times) metuba ti “muntu mosi yina vuandaka na munduki kufuaka bana 19 mpe banlongi zole . . . Na ekole ya Robb Elementary School.”

 Diambu ya kiadi kele, mambu ya mutindu yina kena kusalama mingi. Zulunalo mosi (USA Today) metuba ti kaka na États-Unis ya mpamba, “babulaka masasi na baekole 249 na mvula meluta, nzokande diambu ya mutindu yina mesalamaka ntete ve banda 1970.”

 Samu na yinki mambu ya somo ya mutindu yayi kena kusalama? Yinki mutindu beto lenda nunga mambu ya yimbi mutindu yayi? Beto lenda vuanda na kivuvu ti kinkesi kemanisa? Biblia mepesa bamvutu.

•   Biblia metuba beto kele na “bilumbu ya nsuka” kilokola yina bantu mingi kevuanda ‘bantu yina kezolanaka ve na kati ya dibuta’ mpe ‘bantu ya nko,’ yina kesalaka mambu ya mobulu mpe ya nsomo. Bantu yango ‘kesala diaka yimbi kuluta.’ (2 Timoteo 3:1-5, 13) Samu na kuzaba mambu yankaka, tanga disolo “Biblia esakolaki makambo oyo bato bazali kokanisa mpe kosala lelo oyo?”

 Bantu mingi kena kukiyuvusa, ‘Samu na yinki Nzambi kena kubika nzila na mambu lokola kubula bantu masasi na baekole salama?’ Samu na kumona mvutu ya Biblia, tanga disolo “Mpo na nini makambo mabe ekómelaka bato malamu?”

•   ‘Mambu nionso yina mesonamaka ntama, yasonamaka samu na kulonga beto, samu . . . na nzila ya kubomba yina kekatukaka na masonukua beto vuanda na kivuvu.’—Baroma 15:4.

 Bansikudukusu ya Biblia lenda sadisa nge samu nge nunga kinkesi yina kena kusalama na yinza. Samu na kuzaba mambu yankaka tala Réveillez-vous! yina metuba “La violence cessera-t-elle un jour?”

 Samu na kuzaba mutindu bibuti lenda sadisa bana na bau samu na kununga ntangu bakena kuwa bansangu ya kubangisa, tanga disolo “Enfants et actualités troublantes.”

•   ‘Yandi kevukisa bau na bampasi mpe kinkesi.’—Nkunga 72:14.

•   ‘Bakekumisa mipanga na bau bima ya kubaludila ntoto mpe bakekumisa makonga na bau bakupikupi. Dikanda mosi ve kenanguna mupanga samu na kunuanisa dikanda yankaka, bakelonguka diaka ve mvita.’—Mika 4:3.

 Nzambi kesala diambu yina bantu kena kukoka ve kusala. Kimfumu na yandi, guvernema yina kele na dizulu kekatula binuanunu nionso mpe yakemanisa kinkesi nionso. Samu na kuzaba mambu yankaka yina Kimfumu ya Nzambi kesala, tanga disolo “Na Bokonzi ya Nzambe ‘kimya ekokóma mingi.’”