Nani i Nzambi?
Wantu ayingi bevovanga vo bekwikilanga muna Nzambi. Kansi, avo ubayuvuidi kana nani i Nzambi, mvutu zaswaswana bekuvana. Kuna kwa ankaka, Nzambi mfundisi wa ntim’ambadi, ona otumbanga kaka wantu mu kuma kia mavangu mau mambi. Akaka vo Nzambi nkwa zola ye ololokanga o wantu e ntangwa zawonso, kiakala nkia diambu bavangidi. Akaka nkutu bekwikilanga vo Nzambi kwandá kena ye ke kutuvuanga mfunu ko. Muna kuma kia ngindu zazi zabendomoka, wantu ayingi bemonanga vo katulendi zaya ko kana nani i Nzambi.
Nga diamfunu kikilu mu zaya kana Nani i Nzambi? Ingeta, diamfunu kikilu. Otoma zaya Nzambi dilenda vana e nsasa muna zingu kiaku. (Mavangu 17:26-28) Avo otomene finama Nzambi, oyandi mpe otoma kuzola yo kusadisa. (Yakobo 4:8) Vana ntandu, o vua zayi wa ludi wa Nzambi, dikufila mu vua moyo a mvu ya mvu.—Yoane 17:3.
Aweyi olenda zayila Nzambi? Yindula o nkundi aku ona otomene zaya. Aweyi wavangila e kikundi yo yandi? Nanga wavava zaya e nkumbu andi, fu yandi, mana kezolanga ye mana kemenganga, mana kavanga, mana kesinga vanga ye mankaka mpe. O mambu mama wazaya mu kuma kiandi i mau mafila mu vanga yandi e kikundi.
Diau dimosi mpe, tulenda zaya Nzambi muna badika mambu malende:
E finkanda fiafi fikubikilu mu vana e mvutu za Nkand’a Nzambi mu kuma kia yuvu yayi. Malongi mama mekusadisa mu zaya kana nani i Nzambi ye nluta olenda vua muna kala ye ngwizani ambote yo yandi.
Nanga Oyangalela Mpe Malongi Mama
EYINGIDILU DIA NKANGU
Nga Tulenda Kieleka Solola Nzambi?
O mambu mana katulendi bakula ko mu kuma kia Nzambi malenda kutusadisa muna kumfinama.
