Nga akwa ngangu balenda sasila una o nsema yo moyo wayantikila? Ve kikilu. Akaka bevovanga vo akwa ngangu ana belongokanga oma ma nsema balenda kutusasila una wayantikila o nsema. Kansi, o Marcelo Gleiserona ona olonganga oma ma nsema kuna Universidade ya Dartmouth una vo mfidi a mpaka, wavova vo: “Oyeto ke tusasilanga emvimba ko e tuku dia nsema.”

Diau adimosi mpe, muna diambu ditadidi tuku dia moyo, Zulunalu imosi yavova vo: “Ke dilendakana ko mu zaya una moyo wayantikila ova ntoto, kadi babu yayingi ye nkanda mia akwa ngangu ana belongokanga oma ma nsema emi milenda sasila una o ntoto wayantikila, kolo miavila.” E mvovo miami misonganga vo yamu wau akwa ngangu ke belendanga vana ko e mvutu za kiuvu eki: O nsema yo moyo aweyi wayantikila?

Nanga olenda kukiyuvula vo: ‘Avo moyo ova ntoto una yo mvangi, nani i mvangi?’ Nanga okukiyuvulanga mpe: ‘Avo vena yo mvangi wa nkwa ngangu yo zola, ekuma keyambulwilanga vo o wantu bamonanga e mpasi? Ekuma keyambulwilanga vo kasambilwanga mu mpila zayingi zaswaswana? Ekuma keyambulwilanga vo asambidi andi bavanganga mambu mayingi mambi?’

Katulendi sololwela e mvutu za yuvu yayi ko muna ngangu za nza. Kansi, ediadi ke disongele ko vo kulendi solola e mvutu za yuvu yayi ko. Dialudi, wantu ayingi besololanga e mvutu zasikila za yuvu yayi muna Bibila.

Avo ozolele zaya e kuma akaka muna akwa ngangu za nza ana bavaula e ntangwa mu longoka Bibila, bevovelanga vo bekwikilanga muna Mvangi, kota muna nzil’eto jw.org. Soneka vana fulu kia vavulula, “A Origem da Vida.”