Nga Osungamenanga?

Nga wayangalele tanga malongi mavaikiswa mun’Eyingidilu? Avo i wau, olenda van’e mvutu za yuvu eyi yilende:

Ekuma tulenda vovela vo e zingu kia Solomo kina se lulukisu kwa yeto?

Nzambi wasambula yo sadila Solomo wa ntinu. Kansi, muna luyalu lwandi Solomo wabembola luludiku lwa Nzambi. Wasompa akento ayingi kumosi yo mwana Faro ona wasambilanga teke. Wayambula vo akento anzenza bamvukumuna muna nsambila za luvunu. Tufwete venga fu yambi ilenda kutuvukumuna malembe-malembe. (Nsi. 7:1-4; 17:17; 1 Nti. 11:4-8)—15/12, lukaya lwa 10-12.

Ekuma tufwete lemvokelanga nkanikinu mia Nkand’a Nzambi?

Awana belemvokelanga nkanikinu mia Nkand’a Nzambi bena ye ntona zambote ye ngwizani ambote muna nzo. (Nku. 19:8, 11) Awana bekululanga nkanikinu mia Nkand’a Nzambi nkumbu miayingi lukendalalu dikubatwasilanga.—Yanuali-Malusu, lukaya lwa 8, 9.

Ekuma Akristu bevubilwanga? O muntu aweyi kalenda kuyifwanisina mu vubwa?

O luvubu i diambu divavwanga kw’Akristu muna kala ye ngwizani yambote yo Nzambi. (1 Pet. 3:21) Muna sambu kieto kuna beko, tukiyekolanga kwa Yave yo sia nsilu wavanga luzolo lwandi muna zingu kieto kiawonso. I bosi, tuvubwanga muna maza mu songa sinsu kia kuyiyekola kweto.—Abidi-Yuni, lukaya lwa 16, 17.

Adieyi disonganga vo tuka muna tandu kiantete yamu wau, vekala kaka ye Akristu akuswa ova nza?

Muna kingana kia “masa” ye “mbongo ambi” katá Yesu, “e mbongo ambote i wan’a kintinu.” (Mat. 13:24-30, 38) E masa ye mbongo ambi yadi kudila kumosi yamuna nsungi a nsâlu. Dialudi, ka tulendi vova ko vo e buka kiaki i masa, i sia vo akuswa, kansi tulenda vova ye ziku kiawonso vo akaka bekala kaka ova nza yamu tandu kieto.— 15/1, lukaya lwa 7.

Nani wafila “ntetembwa” ina balandanga afimpi a ntetembwa?

I Nkadi Ampemba wa Satana ona wakala y’ekani dia vonda Yesu. Satana osayanesanga luvunu, nsoki ye fu kia vonda wantu. Muna kuma kiaki, Yesu wayikila Satana vo “nkwa luvunu,” “ese mpe dia luvunu.” “Oyandi, mumponda-muntu tuka kuna lubantiku.” (Yoa. 8:44)—Abidi-Yuni lukaya lwa 29.

Aweyi tulenda sundila fu kia kimpala?

Tala mambu malenda kutusadisa: Sia ngolo za kala ye nzolani a ungudi, vanga kikundi y’awana bevuminanga Nzambi, vanga wete yo ‘kembes’awana bekembanga.’ (Roma 12:15)—15/2, lukaya lwa 16-17.

Nani i Anasi oyikwanga muna lusansu lwa mfundisw’a Yesu?

Anasi oyikwanga vava Yesu kafundiswa, ‘nganga mbuta’ kakala. (Luka 3:2) Nanga wayantika sala se nganga mbuta muna mvu a 6 yovo 7 yamuna mvu a 15 wa tandu kia Kristu, vava kakatulwa kiyekwa, wakwamanana ye wisa muna Isaele.—Abidi-Yuni lukaya lwa 9.

Nkia nkanikinu tufwete sungamenanga avo tuzolele vana muntu elongi?

Bakula kuma kia diambu. Venga fu kia vana mvutu mu nzaki. Sadila Nkand’a Nzambi kuna lulembamu. Avo dilendakana, vavulula muna nkanda mieto. Venga fu kia bakila akaka nzengo.—15/3 lukaya lwa 7-9.

Adieyi kazola vova Yesu vava kakasakesa nkangu una kalonganga vo benda kilometa zizole? (Mat. 5:41)

Muna ntangwa yayina, ayadi a Roma salu yayingi basadisanga nkangu muna Isaele. Vava kakasakesa nkangu vo benda kilometa zizole, Yesu wazola kubasonga vo basalanga salu ina ayadi balombanga lembi yidima.—Abidi-Yuni lukaya lwa 9.