Mvutu za Yuvu ya Nkand’a Nzambi
Ekuma Yesu keyikilwanga vo Mwan’a Nzambi?
Nzambi kena yo nkento ko ndiona kawuta yandi wana. Yandi, wavanga lekwa yawonso. Nzambi wavanga wantu y’etima dia tanginina fu yandi. I kuma Adami wa muntu antete kavanga o Nzambi keyikilwanga vo “mwan’a Nzambi.” Diau adimosi mpe, Yesu oyikilwanga vo “mwan’a Nzambi,” kadi wavangwa ye fu ya S’andi.—Tanga Luka 3:38; Yoane 1:14, 49.
Nkia ntangwa Yesu kavangwa?
Nzambi wavanga Yesu una kavangidi Adami ko. Ozevo, Nzambi wavanga Yesu yo kunsadila muna vanga lekwa yawonso kumosi ye mbasi. I kuma Nkand’a Nzambi uyikilanga Yesu vo “mwan’antete muna nsema wawonso.”—Tanga Kolosai 1:15, 16.
Una kawutukidi ko kuna Beteleme, Yesu wazingila kun’ezulu se vangwa kia mwanda. Vava ntangwa yafwana, Nzambi wafila moyo a Yesu tuka kun’ezulu yamu vumu kia Maria yo wutuka se muntu.—Tanga Luka 1:30-32; Yoane 6:38; 8:23.
Ekuma Nzambi kayambulwila vo Yesu kawutuka va ntoto se muntu? Nkia diambu diamfunu Yesu kalungisa? Olenda solola mvutu za yuvu yayi muna Nkand’a Nzambi yo wokesa umbakuzi yo luyangalalu lwaku muna mana Nzambi yo Yesu bevanganga mu kuma kiaku.
Nanga Oyangalela Mpe Malongi Mama
MVUTU ZA YUVU YA BIBILA
Nga Yesu Muntu Ambote Kaka Kakala?
Yesu wa Nazarete i muntu otomene zayakana wazinga kala ova ntoto, ekuma?
MVUTU ZA YUVU YA BIBILA
Nkia lumbu Yesu kawutuka?
Yesu owutukidi, luwutuku lwa Yesu Kristu, 25 kia desemba, Noele
