Mvutu za Yuvu ya Nkand’a Nzambi
O zinga yakwele mvu nga dilendakana?
Nkia nkubika ilenda kutukula muna lufwa?
O Adami wa muntu antete, mvu miayingi kazinga. Kana una vo i wau, Adami wanuna yo fwa. Tuka muna kolo kiakina, o wantu bevanganga mayingi muna venga e kinunu. Kansi, ka vena muntu ko lenda tina lufwa. Ekuma? Adami wanuna yo fwa mu kuma kia sumu vava kakolamena Nzambi. Yeto mpe, tununanga yo fwa mu kuma ki’esumu dia Adami diatusambukila.—Tanga Etuku 5:5; Roma 5:12.
Muna zinga yakwele mvu, vafwete kala muntu ona olenda kutukûla. (Yobi 33:24, 25) O lukûlu i ntalu ifutwanga mu vuluza o muntu, oyeto mpe lukûlu tuvwidi o mfunu mu vevoka muna lufwa. (Luvaiku 21:29, 30) Yesu wafuta ntalu yayi vava kafwa mu kuma kieto.—Tanga Yoane 3:16.
Aweyi tulenda vwila moyo a mvu ya mvu?
Ke wantu awonso ko bevevolwa muna yimbevo yo ununu. Awana bekolamenga Nzambi nze una Adami kavanga, ke bevwa moyo a mvu ya mvu ko. Awana kaka belolokwa masumu i yau bevwa moyo a mvu ya mvu.—Tanga Yesaya 33:24; 35:3-6.
Muna lolokwa, tufwete zaya Nzambi muna longokanga Nkand’a Nzambi una vo i Diambu diandi. Nkand’a Nzambi ukutulonganga una tulenda kadila ye kiese muna zingu, vwa edienga dia Nzambi yo moyo a mvu ya mvu.—Tanga Yoane 17:3; Mavangu 3:19.
Nanga Oyangalela Mpe Malongi Mama
EYINGIDILU DIA NKANGU
Lukau Lwampwena lwa Nzambi—Ekuma Lusundidi e Ntalu?
Nkia mambu mekitulanga lukau se lwa ntalu yovo lwa kondwa mfunu? Oyindula mambu mama dilenda kutusadisa muna wokesa luyangalalu lweto muna lukûlu.
