Mvutu za Yuvu ya Nkand’a Nzambi
E kiaki nga i zingu emvimba?
Ezak’e Ntangwa nga Oyindulanga vo e Zingu Kiankufi Kikilu
Nga wakiyuvula kala, e zingu i sakana kaka, sala, sompa, sansa wana yo nuna? (Yobi 14:1, 2) Nkand’a Nzambi usonganga vo kana nkutu awana bena vo akwa ngangu bekukiyuvulanga e diambu diadi.—Tanga Kimpovi 2:11.
Nga vena ye nsas’a zingu? Entete tufwete zaya una e zingu kiayantikila. Vava bebadikanga e mpila ya sivi yavangilwa o tomfo ye nitu, ayingi bekwikilanga vo vena yo Mvangi a ngangu ndiona watuvanga. (Tanga Nkunga 139:14.) Ozevo, vena ye kuma katuvangila. Ovava zaya e kani diadi, dilenda vana nsas’a muna zingu kieto.
Ekuma Nzambi kavangila wantu?
Nzambi wasambula wantu antete, wabavana mpe salu kiakiese. Nzambi wazola vo bazadisa ntoto yo kitula wo se paradiso yo zinga yakwele mvu.—Tanga Etuku 1:28, 31.
E kani dia Nzambi diavunzaneswa vava wantu bakolamena luyalu lwandi. Kansi, Nzambi ka tubembola ko ngatu soba e kani diandi mu kuma kieto yo ntoto. Bibila kisonganga vo Nzambi ovanganga mawonso mu vuluza akwa kwikizi, e kani diandi mu kuma kia ntoto lungana dilungana. Ozevo, Nzambi ozolele vo wakala ye zingu kiakiese. (Tanga Nkunga 37:29.) E malongi ma Bibila malenda kusadisa mu vua e nluta mia kani dia Nzambi.
Nanga Oyangalela Mpe Malongi Mama
MVUTU ZA YUVU YA BIBILA
Ayeyi i Nsas’a Zingu?
Nga wakiyuvula kala, ‘Ayeyi i nsas’a zingu? Zaya e mvuvu za Bibila za kiuvu kiaki.
EYINGIDILU DIA NKANGU
