Wantete wa Ntinu 5:1-18
5 O Kirami wa ntinu a Turo+ vava kawa vo Solomo okusilu mazi kayala se ntinu vana fulu kia se diandi, otumini ntaudi zandi kwa Solomo, kadi Kirami nkundi a Davidi kakala.*+
2 Solomo otumini nsangu kwa Kirami vo:+
3 “Ozeye wo vo Davidi wa se diame kalenda tunga nzo ko mu kuma kia nkumbu a Yave wa Nzambi andi, muna kuma kia vita kanuaniswa kwa mbeni zina za nzunga muna ndambu zawonso yavana Yave kabasia kuna nsi a tambi yandi.+
4 Kansi, owau Yave wa Nzambi ame umpene luvuvamu muna ndambu zawonso.+ Kavena ona untelamene ko, ngatu bwilwa diambu diambi.+
5 Dianu vo, nzolele tunga nzo mu kuma kia nkumbu a Yave wa Nzambi ame, wauna Yave kasila nsilu kwa se diame Davidi, oku vo: ‘O mwan’aku ivingisa vana fulu kiaku, yandi otunga nzo mu kuma kia nkumbu ame.’+
6 Owau, kanikina nkangu aku bankesela nsedele mia Lebanone.+ E ntaudi zame besala ntwadi ye ntaudi zaku, ifuta kwa ntaudi zaku konso kina okundomba, kadi ozeye wo vo yeto katuzeye kesa nti ko nze esi Sidone.”+
7 Kirami vava kawidi mvovo mia Solomo, oyangalele kikilu, ovovele vo: “Yambula Yave kakembelwa o unu, kadi ovene mwan’a ngangu kwa Davidi kayala nkangu wau wayingi!”+
8 Kirami otumini nsangu kwa Solomo vo: “Ngwidi nsangu untumini. Ivanga mawonso mana ozolele, ikutwikila mabaya ma nsedele ye sipelese.+
9 Ntaudi zame bekulumuka mau tuka kuna Lebanone yakuna mbu, se yavanga nzaza kimana yatwikila mo muna kalunga yavana fulu kina okunsonga. I kûna ikutulwila mo, ongeye onata mo. Madia kaka okumpana mu kuma kia esi nzo ame.”+
10 Kirami otwikidi mabaya mawonso ma nsedele ye sipelese mana Solomo kalomba.
11 Solomo ovene Kirami 20.000 ma nzongo* mia mbongo a witi ye nzongo 20 mia mazi mambote ma olive* se madia ma esi nzo andi. I yau Solomo kavananga kwa Kirami konso mvu.+
12 Yave ovene Solomo e ngangu wauna kansila o nsilu.+ Vakedi luvuvamu vana vena Kirami yo Solomo, yau awole bakangidi e kangu.
13 Solomo wa Ntinu obokelese wan’amakala awonso a Isaele muna salu kiangolo; 30.000 ma wantu kabokelesa.+
14 Konso ngonde 10.000 katumanga kuna Lebanone. Ngonde mosi bakalanga kuna Lebanone, ngonde zole muna nzo zau; Adonirami+ i nkengi awana basalanga salu kiangolo.
15 Solomo okedi ye 70.000 ma asadi* ye 80.000 ma awudi a matadi+ muna miongo,+
16 wakala mpe ye 3.300 za akengi+ ana bafilanga asadi.
17 Muna lutumu lwa ntinu, batimuna matadi manene, matadi mantalu+ kimana e nkubilw’a+ nzo yatungilwa muna matadi mavalwa.+
18 Muna diadi, atungi a Solomo ye atungi a Kirami ye esi Ngebale,+ bawulanga matadi yo kubika mabaya ye matadi mu tunga e nzo.
Mvovo vana yand'a lukaya
^ Yovo “wazolanga Davidi.”
^ Mvovo wa sina: “mazi ma olive yatutwa.”
^ Yovo “anati a mazitu.”
